Jacques 2:7 - Bible azumeina

⁷ Ni azi ba, a nga ngul simi ma djivi ma Alona mi tinigizina d’uo zu?

Jacques 2:7 Referans Kwoze

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

Sunda hi suma a sunuzinid’a 11:26

Kid’a mi fumba, mi mba ki sed’em Antiyos. A nga tok ki suma toka teteu gak bizad’a tu, a nga hat suma ablaud’a kur Antiyos. Ni kur bur máma ba, a tin ad’ud’a á yi suma hata ala Kretiyêna.

Sawal la giled’a 111:9

Ma didina mi sunï á sut sum mama, mi djin vunam ki sed’eziya. Simiyêm ala ma bei tchod’a ma suma a lum mandarama.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.

Vama ndum mbeina 19:13

Mi tchuk baru d’a fiyak ka ti tib’ak ki buzunid’a atamu. A yum ala Zlad’a hAlonid’a.

Efes-sâ 3:15

ma tin simina mandjaf ma lara ge pet ma sä kur akulod’a ki ma yam andagad’a mi na.

Sunda hi suma a sunuzinid’a 26:11

An lazi ndaka yan ablaud’a kur gongîyo suma toka hi Juif-fîna pet. An lazi kad’enga á tin vunazi yam he gagazi mazid’a. Hurun zal atazi ngola. An djobozi vunazi gak kur azì ma ngol ma dingâ mi.

Sunda hi suma a sunuzinid’a 4:12

Suta nga ata sama ding ngi, kayam simi ma ding ma nga yam andagad’a ka hî ma Alona mi hum aduk suma mala ei fei ki suta atamu na, mi nga d’i.

Matiye 12:24

Kid’a Fariziyêna a hum hina d’a, a dala: Sa máma nga mi dik muzuk ma teteng ma tchona woi ni kad’eng nga Belzebul amulâ hi muzuk ma tchona mi humzid’a.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Sawal la kal teglesa 1:3

Mbul mang ma his ma afufuî ma tetengâ, mi his djivid’a; simiyêngî d’igi mbul ma his ma afufuî ma nga mi b’rau woi ata yinina na mi. Kayam ndata, gro yuguneina a nga le kangû!

Matiye 27:63

a dum ala: Sama ngolâ, humami gami yam zla d’a sama ka zla máma, kid’a mam nga ki iram tua d’a, mi dala: Bugol bur ma hindina, an mba ni tchol akulo aduk suma matna.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Sunda hi suma a sunuzinid’a 15:17

Kayam suma arâ pet a halan an Ma didina, suma pet suma an yazina a mba mbut sum mana.

1 Pierre 4:16

Wani le sana nga mi fe ndaka kayamba mam mi kretiyêna ni, ar mi le zulona d’i, wani mi le ni mersi mAlona ki simiyê Christ.