Jacques 2:13 - Bible azumeina

¹³ Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Jacques 2:13 Referans Kwoze

Matiye 5:7

Suma a nga we hohowa sumina a le furîd’a, kayam Alona mba mi wazi hohowoziya.

Matiye 6:15

Wani le agi vad’agi nga hurugi woi yam tcho d’a suma a lagizid’a d’uo ni, Abugi mba mi vat hurum mbei yam tcho magid’a d’uo mi.

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Wana ni Zla d’a Djivi d’a Luc mi b’irita 6:37

Jesus mi had’azi kua ala: Ar agi kagi sariyad’a yam sa d’i. Hina wani, Alona mba mi kagi sariyad’a kagi d’i. Ar agi vagi sa ki zla d’i. Hina wani, Alona mba mi vagi ki zlad’a d’uo mi. Ar agi vad’agi hurugi woi yam suma. Hina wani, Alona mba mi vat hurum mbei kagi mi.

Sawal la giled’a 18:25

Ni kayam ndata ba, Ma didina mi wuragan yam d’ingêr manda, yam abon ma do nga tcho avorom mbuo na mi.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Sawal la giled’a 85:10

Gagazi, sut mamba ti nga go ki suma a nga lum mandarama tala subur mamba mba d’i kak yam ambas meid’a d’a.

Jeremi 9:24

Le sana mi min subur tam ala mam mi ma ned’a ni, ar mi wanu, ar mi wala an ni Ma didin ma nga ni le djivid’a, nga ni ka sariya d’a d’ingêra, ni Ma d’engzeng ma yam andagad’ina mi. Wana ni sama an tan lan djivid’a heî kama. An Ma didina ni de na.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ad’u Tinda 42:21

Azi de tazi ala: Gagazi, ndaka mba kei wani ni yam zlad’a hi wiyeinid’a. Ata yima mi tchenei ala ei vum hohowomu, ei wum ndak mamba na, ei humum nga d’i. Ni kayam ndata ba, ndaka mba kei wana.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

2 Sunda Hamuleinid’a 28:11

Agi humun-ngiya! Agi tchugugi b’oziyogi suma agi yozi ndazina akulo, agi arazi a i avo hataziya, kayam Ma didina hurum zal ngola kagiya!

Zla d’a d’ogolâ 22:16

Sama nga mi kid’eî ir sama kid’akina, mi mbud’umî sama ndjondjoîna; sama nga mi hahlena mi ma ndjondjoînina, mi mbut ni tam houd’a.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

Suma ka sariyad’a 5:27

Mi nde kä ased’u, mi puk kä, mi bur kä ased’u, mi baza kä andaga, mi nga ged’a kä ata yima mi puk kuana, mi mit mi so sä kä woi gizizing.