Jacques 1:6 - Bible azumeina

⁶ Wani mbeî mi tchen ni ki he gagazid’a bei gigrita ba, kayam sama le gigritna mi hle tamî d’igi abilâ halum ma ngol ma simetna nga mi tcham tata na na.

Jacques 1:6 Referans Kwoze

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Hebre-na 10:23

Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

Ad’u Tinda 49:4

Angî d’igi mbiyo ma nga mi sulul huhubupma na, wani ang mba kak ma avo’â d’i, kayam ang bur kamanda, ang mbut azang man ma burâ ndjendjed’a.

Matiye 14:28

Pierre mi hulong dum ala: Salamina, le ni angû ni, ang han vuna an izi geveng yam mbina.

Sunda hi suma a sunuzinid’a 10:20

Ang tchol akulo, ang tchugaseng kä, ang i ki sed’ezi bei gigrita, kayam ni an ba ni sunuzïya.

Jacques 1:7

Sama hina na, ar mi djib’er ala mam mba mi fe va abo Salad’a na d’i,

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.