Jacques 1:19 - Bible azumeina

¹⁹ B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Jacques 1:19 Referans Kwoze

Zla d’a d’ogolâ 17:27

Sama nga mi sizar zla d’a d’ed’ina ni sama ned’a, sama nga kaka hina tchugotna ni sama wad’ud’a mi.

Zla d’a d’ogolâ 21:23

Sama nga mi ngom vunam ki sinam ped’etna, mi sut ni tam mbei kur ndaka.

Zla d’a d’ogolâ 14:29

Sama nga mi le lilinga á mbut ayînina ni sama wad’ud’a ngolina, wani sama mi mbut ayîna atogo zaza’â mi ta’î lili mamba woi abua.

Zla d’a d’ogolâ 10:19

Sama tchit heîna nga mi ba bei le tchod’a d’i, wani sama nga mi ngom vunam ped’etna ni sama wäd’u zlad’ina.

Zla d’a d’ogolâ 18:13

Sama mi hulong humba bei mi hum zlad’a ba na, ni zla d’a lilid’a ki zla d’a zulona kamu.

Zla d’a d’ogolâ 13:3

Sama nga mi ngom vunam ped’etna, mi ngomî tamu, wani sama nga mi ngo vunam mbei hagak á de zlad’ina, mi ba ni tam mbeyo.

Zla d’a d’ogolâ 16:32

Sama nga mi le lilinga á mbut ayînina, mi kal grang ma dur ayîna, sama mi te yam hliu tama, mi kal sama mi hlazì ma ngolâ ki durîna.

Efes-sâ 4:26

Le hurugi zala ni, agi lagi tchod’a d’i. Ar afata nigigi kayî magi ma djulula d’i.

Zla d’a d’ogolâ 15:18

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Kolos-sâ 3:8

Wani ki tchetchemba, agi aragi ahle ndazina woi pet, nala, ayîna, hur ma zala, ngangata, ngula ki zla d’a de d’a ndjendje d’a ndavunagid’a mi.

Efes-sâ 4:31

Zla d’a aglara pet kayîna ki hur ma zala ki yalâ ki ngula, ar agi pad’azi woi pet adigagi zlapa kasa’ata pet mi.

Zla d’a d’ogolâ 18:21

Matna ki arid’a a nad’u ad’enga hi sindid’a, sama mi le katna mba mi fe wurak mata.

Kolos-sâ 3:15

Ar b’leng nga halasa hi Christ-sa ti kak kurugiya. Ni kayam ndata ba, mi yagi kur hliu ma tuna. Ar agi lagi mersi mAlona mi.

Zla d’a d’ogolâ 19:11

Sama wad’ud’a nga mi mbut ayîna atogo d’i. Subur mamba ni djib’er ra nga mi djib’er yam tcho d’a a nga lumzid’a d’uo d’a.

Zla d’a d’ogolâ 15:2

Zla d’a de d’a ndavun suma ned’id’a ti ta’î we d’a djivi d’a kala woi abua, wani zla d’a ndavun suma lilid’id’a ti ta’î lilid’a woi abu mi.

Zla d’a d’ogolâ 25:28

Sama nga mi ve tam kei d’uo na, mi ni d’igi azì ma ngol ma gulumun mama mi to kä woina na.

Zla d’a d’ogolâ 14:17

Sama mi mbut ayîna atogo zaza’â mi le ni sun nda lilid’a, sama nga mi djib’er djib’er ra tchod’ina suma a nga noyôm mi.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Zla d’a d’ogolâ 17:14

Tin ad’u yalâ ni d’igi ang ngo ni ir mbina kä woi na; kayam ndata, ang hut tang ngei avok ka bei huneîd’a tchola.

Jacques 1:26

Le sama ding djib’er ala mam he gagazid’a yam Alona, wani le nga mi ngom sinam mbuo ni, mi lop mi tamu, he gagazi mam mba yam Alonid’a ni hawa.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

Nehemi 9:17

Azi noî á ge yazi kä avorongû, a mar rei yam ahle suma djivi suma ang nga lazi kazina, a le yam mba ad’enga, kur so vun mazina a man sana avorozi tu á hulong kur magom mazid’a. Wani ang Alo ma nga vat hurung ngei atogo za’â, ma sumad’a ma we hohowa sumina, ma hurung nga zal atogo zak kuo na, ma djivi ma kal teglesâ, ang arazi nga woi d’i.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Wana ni Zla d’a Djivi d’a Luc mi b’irita 19:48

Wani a fe nga lovota á lum va d’i, kayam suma pet a humî zla mamba.

Marik 2:2

Ablau suma a nga toka. Yima krovona ki yima avun agre’îna pî, nga d’i. Kid’a nga mi had’azi zlad’a tua d’a,

Zla d’a d’ogolâ 19:19

Ar sama hurum zal heîna mi fe wurak mamba. Le ang vum kä pî, nga mi i avogovogo.

Sunda hi suma a sunuzinid’a 10:33

Ata yi máma na wat, an sundja kang wana, ang le djivid’a ang mba wa. Ki tchetchemba, ami pet nga ka hî avok Alona á hum ahlena pet suma Salad’a mi hang vuna kazi á ded’ina.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Wana ni Zla d’a Djivi d’a Luc mi b’irita 15:1

Suma ve lombod’a azi ki suma tchona a hut gen Jesus á humumu.

Nehemi 9:3

Bugola, a tchol akulo kaseziya, a ndum Gata hi Ma didina Alo mazinid’a gak lera hindi, a däd’u tcho mazi d’a azi lata woyo, a grif kä avok Ma didina Alo mazina gak lera hindi mi.

1 Jean 2:21

An b’irigi nala agi wagi nga gagazid’a d’uo na d’i, wani agi wad’u, agi wagi ala zla d’a kad’a nga ndeï kur gagazid’a d’i.

Sunda hi suma a sunuzinid’a 13:48

Ata yima andjaf suma dingâ a hum zla ndatina, a le furîd’a ngola, a subur zlad’a hAlonid’a. Suma pet suma Alona mi ngazi yam ari d’a didindina, a he gagazid’a mi.

Marik 12:37

David tamba nga mi yum ala Salana. Ni nana ba, Mesi mi mbut goroma ge?

Nehemi 8:18

A nga ndum kur gata hAlonid’a burâ ki burâ, a tin ad’ud’a ei kur bur ma avo’â dei gak kur bur ma dabid’a. A lü vun tilâ gak burâ kid’iziya, bur ma klavandina a tok tok ka ngola d’igi Gata ti de na.

Ndumba 22:27

Korod’a ti we malaikana hi Ma didinina, ti bur kä ad’u Baläm. Baläm hurum zal ngola, mi wad’at ki totogo mamba.

Zla d’a d’ogolâ 29:20

Le ang we sama de zlad’a bei djib’era ba na ni, hotei ang tin hurung yam sama lilid’a, kal la ang tin hurung kamba.

Sunda hi suma a sunuzinid’a 1:15

Kur bur máma Pierre mi tchol akulo aduk b’oziyom suma a nga tokina, a ni d’igi kis yam dok mbà na, mi dazi ala:

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

Jacques 1:16

B’oziyon suma an le kagi heîna, agi lobogi tagi d’i.

Jacques 2:1

B’oziyona, agi suma hagi gagazid’a yam Saleina Jesus Christ ma suburina, agi kagi ir sa d’i.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

Jacques 3:10

Nata vun ma tu máma ba ei nga lei mersi mAlona, ei nga gei ki suma vuna mi. B’oziyona, ar agi lagi ahle ndazina hina d’i.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

Jacques 5:12

B’oziyona, kal pet, ar agi gunugi tagi kakulod’a d’oze kandagad’a d’oze ki vama ding ngi. Wani ar agi dagi ni ala Â! ni Â, Hawa! ni Hawa mi, kayam agi kalagi kur sariyad’a hAlonid’a d’i.

Jacques 5:19

B’oziyona, le sama ding adigagi wal lei ki gagazid’a, le sama ding hulongômïya ni,

Wana ni mbaktumba hi Job-pa 32:16

An djup ala na ni agi dagi zla zu? Wani agi sengêgi silil, sa mi hulong nga zla d’a de d’i.