Isai 7:20 - Bible azumeina

²⁰ Kur bur máma Ma didina mba mi ndeï ki velâ sä abo alum ma Efrat-na woi hî. Ni ngad’a yam amul ma Asiri-na. Mam mba mi welegi yagi woyo, mba mi welegi tumus sa atagid’a ki d’a dudumagid’a woi pet mi.

Isai 7:20 Referans Kwoze

Isai 8:7

Kayam ndata, an Ma didina nga ni kak djangûna ki sed’eziya, mba ni mba kad’enga hi mbiyo alum ma Efrat-na kaziya, nala, amul ma Asiri-na ki subur mamba pet. Alum máma mba mi oî woi ir b’irlim mama, mba mi wet tei avun gongôd’i mamba papadjang,

Ezekiyel 29:18

Ang gor sana, Nebukanezar amul ma Babilon-na mi le sun nda ndaka mi azigar mama, a dur suma Tir-râ, yazi d’i dap tora woi pepet, hîhîngâzi mi dap foka woi pepet. Wani mam mboze azigar mama a fe nga wurak yam dur ma azi dur ki suma Tir-rîna d’i.

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Ezekiyel 29:20

An nga ni hum ambas sa Ezipte-d’a. Ni wurak ka yam sun mambid’a, kayam azigar mama a le ni sunda mi anu. Ni an Salad’a Ma didina ba, ni de na.

Isai 11:15

Ma didina mba mi so vun alum ma ngol ma Ezipte-na woyo, mba mi tin abom yam alum ma Efrat-na, mba mi fom kad’engêmu, mba mi wad’am á walam ad’u kid’iziya. Hina, suma a mba tit hurum kä katuguru mazina aseziya.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Jeremi 2:18

Ki tchetchemba, ni djiviya me kagi á hulongôgi Ezipte á tchagi mbiyo alum ma Nil-lâ ge? Ni djiviya me kagi á hlagi lovot ta Asiri-d’a á tchagi mbiyo alum ma Efrat-na ge?

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Isai 36:1

Kur biza d’a dogo yam fid’i d’a Ezekiyas nga mi tamulid’a, Sanakerip amul ma Asiri-na mi mba á dur ayîna kazì ma nglo ma Juda ma ad’eng ma ngunguna pet, mi yomu.