Isai 65:4 - Bible azumeina

⁴ Ni suma a nga kaka aduk asud’a suma a nga bur angra ahuniyônina. Ni suma a nga mut kozongâ, suma a nga yi te ma ndjendjed’a kur duguyo mazinina mi.

Isai 65:4 Referans Kwoze

Isai 66:17

Ma didina mi dala: Suma a tin tazi irat vat a mbut tazi yed’et á i kur asinena á tuwal fileina á tit bugol ma ngol ma nga tchola adigazi á mut kozongâ kahle suma ndjendjed’a ki klomina pet a mba bo woyo.

Sunda hi suma hi Levi-nid’a 11:7

Kozongâ: Abom graka, wani nga mi gihl hatna d’i; agi golomî vama ndjendjed’a.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Wana ni Zla d’a Djivi d’a Luc mi b’irita 8:27

Kid’a Jesus mi tchuk asem mbei kur alumbid’a, sama kur azina mi ngavamu. Ni sama nga ki muzuk ma tchona kurum dedeina, nga mi tchuk baru atam mbi. Nga mi bur avo d’i, wani yam ma burâ nangra asud’a.

Matiye 8:28

Kid’a Jesus mi mbaza abo apod’a woi hî yam andaga d’a Gadaren-nda, suma mbà suma a nga ki muzuk ma teteng ma tchona kuruzina, a buzuk kei angra asud’a, a ngavamu. Azi ni suma asa’at suma sa mi ndak á kal kur lovot ndata abozi d’uo d’a.

Ezekiyel 4:14

An dala: Alë! Salad’a Ma didina, an wal lei kahle suma ndjendjed’a ni dedei, an te nga vama mat toze vama vana vuma yan tu d’i, kazongôn dei gak ini. Vama ndjendje tu pî, mi ngen nga avunan ndi!

Gat ta a hat á mbàd’id’a 18:11

d’oze sama tin gireid’a, d’oze sama djop ki muzuk ma tchonina, d’oze sama djop ki suma azuleinina avo hatagi d’i.

Gat ta a hat á mbàd’id’a 14:21

Agi mud’ugi vama mat ti. Agi hagizi ni mangei ma nga avo hatagina, kayam mi mud’umu, d’oze agi guzum mbei abo angeina, kayam agi ni suma a tinigi iragi vagi mi Ma didina Alo maginina. Ar agi yagi gor ahuna kambira hasumba d’i.

Gat ta a hat á mbàd’id’a 14:8

Ar agi mud’ugi kozongâ d’i; abom graka ko, wani nga mi gihl hatna d’i. Ar agi mud’ugi ahle ndazina d’i, agi dozi harazi d’uo mi.

Gat ta a hat á mbàd’id’a 14:3

Moise mi de kua ala: Ar agi mud’ugi vama ndjendje d’i.

Ndumba 19:11

Ma didina mi de kua ala: Sama mi do mad’a sanina, mba mi mbut ndjendjed’a gak burâ kid’iziya.

Buzuk ka Abud’a 34:26

Agi mbagi kahle suma a ne avok kur asinegina kur gonga hi an Ma didina Alo maginid’a, ar agi yagi gor ahuna kambira hasumba d’i.

Buzuk ka Abud’a 23:19

Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.

Zakari 9:7

An mba ni prud’uzi hliu ma arina woi avunaziya, an mba ni prud’uzi ahle suma ndjendje suma a nga mud’uzi avunazina woyo. Mazi suma a arâ a mba arî suma hAlo meinina, azi mba mbut ni d’igi suma nglo suma avok sumina na avo Juda, suma Ekron-na a mba mbut ni d’igi suma Jebus-sâ na mi.