Isai 65:10 - Bible azumeina

¹⁰ Saron mba d’i mbut ni yima pol d’uwar man ma gureina, hor ra Akor-ra mba d’i mbut ni kangâ ma burâ hi d’uwar ma nglona yam man suma a halana.

Isai 65:10 Referans Kwoze

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 33:9

Ambasa ti nga kur yor tad’a ki hur ma wurana, Liban ti mbut zulona, ti tchuk susub’ok, Saron ti mbut ni d’igi hur fulâ na. Basan ki Karmel agu mazid’a humat yak keyo.

Wana ni mbaktumba hi Oze-d’a 2:15

An Ma didina ni dala: An mba ni wuragat yam bur ma ndat ti ngal dubang ma his djivid’ina mi Bäl ti nik ngangama atchinat ti tchuk hed’euna kelet ti ring bugol buniyôtna ti maran ndei na.

Isai 51:1

Ma didina mi dala: Agi suma nga tid’igi bugol d’ingêrina, agi humundiya! Agi suma nga halan an Ma didinina, agi mbud’ugi iragi gologi ahina d’a a buzugugi kuad’a, ki zul ahina d’a a buzugugi kuad’a.

Sunda hi suma a sunuzinid’a 9:35

Suma pet suma a nga kaka kur Lida ki yima papan ma Saron-na a wumu, a he gagazid’a yam Salad’a mi.

1 Sunda Hamuleinid’a 5:16

Azi ka’î Galät yam ambas sa Basan-nda kur azì ma nglona ki ma gurei ma nguyuma ki yima ngui Saron-na gak i avun haga mazid’a.

Isai 55:6

Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Jeremi 33:12

Ma didin ma ad’engêm kal petna mi de kua ala: Azì ma b’lak kei ki tchetchemba ma sa d’oze d’uwar mi nga kua d’uo na kazì mam ma nglona pet, a mba min kangâna yam suma pola, a mba tuk d’uwar mazina tam kua.

Jeremi 50:19

An mba ni hulongî Israel-lâ kur kangâ mazina. Azi mba te hatna akulo yam ahina d’a Karmel-la ki d’a Basan-nda, a mba hop ki hatna akulo yam ahina d’a Efraim-mba ki d’a Galät-ta mi.

1 Sunda Hamuleinid’a 27:29

Sitrai ma Saron-na ni ma ngol ma yam suma a pol amuzlei suma a nga te hatna Saron-na. Safat Adelai goroma ni ma ngol ma yam suma a nga pol amuzleina woi abagei kur horina.

Jeremi 29:13

Agi mba halanu, agi mba fanu, kayam agi mba halan ki hur ma tuna.