Isai 64:9 - Bible azumeina

⁹ Azì mang ma nglo ma a tinim iram vama mi mbut wa fulâ, Siyon ti mbut wa fulâ mi. Jerusalem ti ar wa samba agra mi.

Isai 64:9 Referans Kwoze

Sawal la giled’a 79:13

Hina wani, ami mang suma ang polomi d’igi tumiyôna na na, ami mba gileng burâ ki burâ, ami mba dami woi yam subur manga kur atchogoi d’a lara ge pet mi.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

Malatchi 1:4

Suma Edom-ma a dala: Gola! Ahle mamina a b’lak kei wan pî, ami mba minizi akulo! Ni hina ba, Ma didin ma ad’engêm kal petna, mi dala: Arazi a mina; an mba ni tozi woi mi. Suma a mba yazi ala: Ambas sa tchod’a! Suma Ma didina hurum zal kazi ki iram fafatna.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Hor ma tchina 5:20

Ni kayam me ba, ang mar kami woi ki irang hina fafat ke? Ni kayam me ba, ang arami woi bizad’a ablaud’a hina ge?

Jeremi 10:24

Ma didina, ang gad’an ni ki lovod’od’u, wani ni kayî mangâ d’i. Le hina d’uo ni, an mba ni b’lak keyo.

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Isai 63:19

Ami lami biza d’a ablaud’a ni d’igi suma ang te nga kazi yang tu d’uo na na, d’igi suma a yazi nga ki simiyêng yazi tu d’uo na na mi! Wani ladjï ang haû nakulod’a woyo, ladjï ang tchugï naseng kä ni, ahuniyôna a giget wa avorongû!

Isai 60:10

Ma didina mi dala: Andjaf suma dingâ grozina a mba hulong á minik gulumun ma’â akulo, amulei mazina a mba lak sunda, kayam kur hur man ma zala an togu, wani yam djivi manda an nga ni wak hohowogu.

Isai 57:17

Ni kayam d’od’ok mazi d’a tchod’a ba, kur ayî mana an toziya, an min wazi ki iran ndi. Wani azi nga i avogovok kur so vun mazina, kur djib’er mazi d’a kuruzi krovod’a mi.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Sawal la giled’a 119:94

An ni mangâ, ang sud’unu, kayam an nga ni halî gat manga.

Sawal la giled’a 38:1

Ni sawal la David mi hlat á djib’er yam Alonid’a.

Sawal la giled’a 6:1

Ni sawal la David mi hlat kading ma ziyom klavandina, mi hat mi ma ngolâ hi suma hle sawalina.

Isai 63:8

Adjeu mi dala: Gagazi, azi ni sum mana, azi ni gro suma bei ka zlad’a ba na. Kayam ndata, mam mi ma sud’uzina.

Jeremi 44:21

Na ni Ma didina humam gum nga d’oze mi djib’er nga yam dubang ma his djivid’a ma agi kabuyogi ngolo kamulei magina ki magi suma nglona ki suma kur ambasina ngalagizi kur azì ma nglo ma Juda-na ki ir palum mba Jerusalem-mbina d’uo zu?

Hor ma tchina 5:22

Na ni ang arami ni woi ki irang fafat tchu? Kur hur mang ma zala, ang noyômi ni woi ki irang fafat mi zu?

Ezekiyel 29:16

Israel-lâ a mba hulong tin huruzi kazi d’uo d’a, a mba hulong ata tcho mazi d’a adjeu d’a azi yazi á ndjunuzid’a d’i. Ata yi máma azi mba wala an ni Salad’a Ma didina.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Isai 63:18

Ami mang suma yed’etna ami kagami yam ambasa ni hina ndjö. Mami suma djangûna a miret yi mang ma a tinim iram vama kä kaseziya.

Hor ma tchina 2:7

Salad’a mi gol yi mam ma ngal ahle suma ngat buzuna is, mi noî yi mam ma a tinim iram vama woyo, mi he gulumun ma amula hi Siyon-na abo ma djangûna. Suma djangûna a nga siwel kur gong mamba d’igi suma a siwel adjeu kur bur ma vun tilâ na.

Hor ma tchina 5:18

Ni kayamba ahina d’a Siyon-nda ti ar djonid’a, ni kayamba arauna nga mi tit kuruta mi.