Isai 61:6 - Bible azumeina

⁶ Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

Isai 61:6 Referans Kwoze

Buzuk ka Abud’a 19:6

Agi mba mbud’ugi ni leu man nda ngat buzuna, andjaf ma a tinim iram vama mi. Wana ni zla d’a ang i dat mi Israel-lîd’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Isai 66:21

Ma didina mi dala: An mba ni man suma adigazi ni tinizi suma ngat buzuna ki suma hi Levi-na.

Vama ndum mbeina 20:6

Suma tchol akulo avok kikidjina a mba le furîd’a ki hur ma hapma, kayam mat ma mbàna mi nga kad’enga kazi d’i. Azi mba mbut ni nglo suma ngat buzuna mAlona azi ki Christ, azi mba te leud’a ki sed’em gak bizad’a dubu.

Vama ndum mbeina 5:10

Ang mbud’uzi sum mama, ang mbud’uzi suma ngat buzuna á le sunda mAlo mamina. Azi mba te leud’a yam andagad’a mi.

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

1 Korente-na 4:1

Kayam ndata, agi golomi ni d’igi azungeîna hi Christ suma Alona mi hazi zla d’a muduri d’a gagazi mamba abozina na.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

1 Korente-na 3:5

Apolos ni nge ge? An Paul ni nge ge? Ami nazungeîna hAlona suma agi hagi gagazid’a yam wal mazi d’a tchid’ina. Nge nge pî adigami nga mi ndak vun sun nda Salad’a mi humzi á led’id’a.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Ezekiyel 14:11

kayambala Israel-lâ a vit a wal lei dei ki sed’en ba, a mbut tazi ndjendjed’a ki tcho mazid’a d’uo d’a. Hina wani, azi mba mbut ni sum mana, an mba ni arî Alo mazina mi. Ni an Salad’a Ma didina ba, ni de na.

Isai 66:12

Ma didina mi dala: Gola! An mba ni djang b’leng nga halasa kur Jerusalem d’igi aluma na, an mba ni hat subura handjaf sumid’a d’igi alum ma mi kus seina na. Agi mba tchagi ambir mata, ti mba d’i hlagi akulo ahlabad’u, ti mba d’i sad’agi tagi sasat mi.

Isai 23:18

Fe mata ki wurak mat ta ndjendjed’a, a mba mbut nahle suma a tinizi irazi vazi mi Ma didinina, a mba togozi d’oze a ngomozi d’i, a mba mbut ni te ma hop suma ki baru ma djif ma suma a nga kaka avok Ma didinina a tchugum atazina.

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!

Isai 56:6

Wani andjaf suma ding suma a mba zlap ki an Ma didina á lan sunda, á le yam simiyên an Ma didina, á kud’uron suma pet suma a mba ngom bur ma sabatna á mbud’um ndjendjed’a d’uo suma a mba kak ngingring yam vun man ma djindina,

Gat ta a hat á mbàd’id’a 18:2

Azi mba fe djo ma ted’a aduk b’oziyozina d’i, kayam Ma didina mba mi arî djo mazina d’igi mam tamba mi dazi na.

Isai 54:3

Kayam ndak mba d’i i yam bigak ka ndjufa, yam bigak ka gulad’a, gro’â a mba hlandjaf suma, a mba kak kur azì ma ngol ma mi ar djonina mi.

Jeremi 33:18

A mba ba bei fe suma hi Levi suma ngat buzu suma a vrak a tchol avoron a he he d’a hawa d’a ngala á ngal dubang ma his djivid’ina ki he d’a hawad’a kahle suma ngat buzuna burâ ki burâ d’uo mi.