Isai 6:6 - Bible azumeina

⁶ Ma dingâ tu aduk serafêna mi pirî gevenu. Mi nga ki gordjo ma mi mbogomî yam yima ngal dubang ma his djivid’a ki madeunina nga abomu.

Isai 6:6 Referans Kwoze

Ezekiyel 10:2

Ma didina mi de mi sama mi nga ki baru d’a hap pa luluîd’a atama ala: Ang i aduk abo pus ma nga kä ad’u tcherebênina, ang i yo gordjo ma nga kä ad’u tcherebênina, ang oî abong zla tam djak, ang i yagam akulo yam azì ma ngol máma. Mi ge tam mi i kua kä iran na wat.

Hebre-na 13:10

Ei nga ki yima ngal ahle suma ngat buzuna ma suma ngat buzu suma a nga le sunda kur zlub’ud’ina a ndak á te kua d’uo na.

Hebre-na 1:7

Wani Alona mi de yam malaikana ala: Mam mbud’uzi simetna, mi mbut suma lum sundina sin akud’a mi.

Isai 6:2

Serafêna a nga tchola kam akulo. Ma lara pî, mi nga ki gigingâ karagaya karagaya, mbà á zlup iraziya, mbà á zlup aseziya, mbà á pir ki mi.

Sunda hi suma hi Levi-nid’a 16:12

Mi hle vama yo akud’a, mi oyôm ki gordjo ma hîhîk ma akulo yam yima ngal ahle suma ngat buzuna avogon an Ma didinina, mi yo dubang ma his djivid’a ma a giligima hur abom tutuk mbà, mi i ki sed’em bugol baru d’a ka ira.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Sunda hi suma a sunuzinid’a 2:3

A we vana d’igi sin akud’a na mba kaziya, mi b’rau kak yam nge nge pî adigaziya.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Buzuk ka Abud’a 25:38

Agi lagi mangas sa ngat vun ziyo lalamba ki yima tchuk butna ni ki lor ra kal teglesa mi.

Jeremi 1:9

Bugola, Ma didina mi mat abom mi don vunanu, mi dan ala: Gola! An tining wa zla manda avunangû.