Isai 55:2 - Bible azumeina

² Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Isai 55:2 Referans Kwoze

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Sawal la giled’a 36:8

Alo mana, djivi mang nga kal teglesa ti ngola heî. Suma a ngei tazi nad’u gigingângû.

Sawal la giled’a 22:26

Ma didina, ni kayam ang ba, an mba ni gileng aduk tok ka ngola hi sumid’a; an mba ni ndak vun vun ma hle ma an hlangzi avok suma a lang mandarangâ.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

Jeremi 31:14

An mba ni hop man suma ngat buzuna ki mbul ahle suma a tchazina, an mba ni hop sum mana kahle man suma djivi suma kalâ mi.

Habakuk 2:13

Le Ma didin ma ad’engêm kal petna mi he nga vuna á le va d’uo ni, suma a le sunda ni makud’a, a kau tazi ni hawa mi.

Wana ni mbaktumba hi Oze-d’a 8:7

Kayam agi zaragi ni simetna, agi mba dud’ugi ni babarâ! Agi mba fagi yam awu d’i, agi mba fagi afuta kua d’uo mi. Le mi le irâ pî, andjaf suma dingâ a mba dud’umî aziya.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Marik 7:14

Jesus mi yï ablau suma gevemu, mi dazi ala: Agi pet humunu, agi wagi ad’ud’a mi.

Matiye 22:4

Mi sun azungeî suma dingâ kua, mi dazi ala: Agi i dagi mi suma an yazina ala: An min wa te mana da’, an ngat wa amuzleina kahok man suma d’orâ; ahlena pet a min wa. Agi mbeyegï ata yima tela.

Isai 51:1

Ma didina mi dala: Agi suma nga tid’igi bugol d’ingêrina, agi humundiya! Agi suma nga halan an Ma didinina, agi mbud’ugi iragi gologi ahina d’a a buzugugi kuad’a, ki zul ahina d’a a buzugugi kuad’a.

Sawal la giled’a 63:5

Ata yima an nga kaka ki iran yam andagad’a tua na, an mba ni suburungû, an mba ni yo abon akulo ki simiyêngû.

Romê-na 9:31

Wani Israel suma a hal á mbut tazi d’ingêr avok Alona yam gat mazid’ina, azi ndak nga ata gat ndata d’i.

Matiye 15:9

A nga kud’uron ni ki vunazi hawa yak, kayam hat ta azi nga hat ki sumid’a ni gata hi sumid’a.

Isai 51:4

Ma didina mi dala: Sum mana, agi humugi djiviya. Agi andjaf mana, agi tinigi humagiya. Ni an ba, nga ni de gata; sariya d’a an nga ni kata mba d’i mbut ni b’od’a hi sumid’a.

Isai 1:19

Le agi gagi yagi kä agi humun vunanu ni, agi mba tagi vut ahle suma djivi suma yam ambasina.

Zla d’a d’ogolâ 9:5

Agi mbeyegïya, agi tagi te mana, agi tchagi süm guguzlu d’a an gizeyêta.

Sawal la giled’a 34:11

Azlona groma ahlena a nga kid’agaziya, meid’a nga d’i tchazi mi, wani suma a nga hal Ma didinina, vama djivi ma bei azi fuma nga d’i.

Romê-na 10:17

Ni hina ba, he gagazid’a mba nata yima sana mi hum zla d’a tchi walina, nala tchi wal zlad’a hi Christ-sid’a.

Wana ni Zla d’a Djivi d’a Luc mi b’irita 15:23

Agi mbeyegï kamuhl ma d’orâ, agi tchagiziya, ei teya, ei lei furîd’a.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Isai 46:6

Gola! A nga tchuk lora kä woi kur bud’omei mazina, a nga nga kawei ma hapma ki kilona, a nga wurak sama le sunda, kayam mi yorozi alo ma azi grif kä avorom ma azi kud’uroma.

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Ma tchi wala 6:2

Sama Alona mi hum ndjondjoîd’a ngola ki suburina, mi nga. Vama tu ma mi minim ma kid’agam nga d’i. Wani Alona mi aram nga lovota á tat ti, kayam ni sama dingâ ba, mi tad’u. Ndata ni sun nda hawa yak ka tcho d’a kala.

Zla d’a d’ogolâ 8:32

Grona, ki tchetchemba, agi humunu. Suma a nga ngom gat mandina a le furîd’a.

Gat ta a hat á mbàd’id’a 11:13

Ma didina mi dala: Le agi gagi yagi kä ad’u vun man ma he ma an nga ni hagizi ini wana á lagi kan an Ma didina Alo magina á lan sunda ki hurugi pet mi ni,

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Zla d’a d’ogolâ 7:23

ma gak yeûd’a ti tchogom yam mugulama na, d’oze d’igi alei ma mi b’at tam á ve ki dauna ma mi we nga d’ala a gunum ná bam mbeyo d’uo na na.

Zla d’a d’ogolâ 1:33

Wani sama nga mi humuna mba mi kak ki halasa avo hatamu, mba mi kak tchugot bei mi le mandara va ba mi.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Isai 10:27

Kur bur máma Ma didina mba mi hlanek mazid’a woi hîhîngâgiya, mba mi hle djuk mazina kä woi kelegi mi, dju’â mba mi kus sei kelegiya.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Isai 62:9

Wani suma a mba tok awunina a mba tumu, a mba gilen an Ma didina; suma a mba dut guguzlud’ina, a mba tchat süm matna kur gulumuna hi yi man ma an tinim iram vama.

Isai 65:23

Azi mba le sun nda hawa yaka d’i, a mba vut grona bei mandarâ. Kayam azi nandjaf ma an Ma didina ni b’e vunan kama, grozina a mba kak zlapa ki sed’ezi mi.

Jeremi 12:13

Agi zaragi gemena, wani agi dud’ugi naweid’a; agi hagi tagi ndaka, wani agi nga fagi va kua d’i. Zulona mba mi lagi yam dut magi ndata, abo ayî ma bibiliuna hi an Ma didinina.

Jeremi 17:24

Ma didina mi dala: Le agi humun gagazi, le agi kalagi nga kahlena kagi avun agre’â hazì ma ngol máma kur bur ma sabatna d’uo, le agi tinim iram vamu, le agi lagi nga sun kur ngiyeû d’uo ni,