Isai 51:15 - Bible azumeina

¹⁵ An ni Ma didina Alo mang ma nga ni hlalum ma ngolâ akulo ma nga ni labil mamina. Simiyên ala Ma didin ma ad’engên kal petna.

Isai 51:15 Referans Kwoze

Jeremi 31:35

Wana ni zlad’a hi Ma didin ma hafata á b’o yina faleina, ni ma he gata mi tilâ ki tchitchiud’a á b’o yina andjegena, ni ma nga mi zut alum ma ngolâ nga mi lum abilim á tchina mi na. Simiyêm ala Ma didin ma ad’engêm kal petna.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Isai 51:10

Ni ang ba, so alum ma ngolâ ki mbiyo ma ngol ma d’id’ilima d’uo zu? Ni ang ba, ge lovota kur galileina halum ma ngolîna yam suma ang wurak kazina á djak ki woi d’uo zu?

Isai 47:4

Ma wurak keina a yum ala Ma didin ma ad’engêm kal pet ma tin tam irat vat yam Israel-lîna.

Sawal la giled’a 136:13

Ni ma wal alum ma ngol ma Tchereuna woina, kayam o mamba nga d’i dap pi.

Sawal la giled’a 74:13

Angî ma wal alum ma ngolâ woi kad’eng mangina, angî ma wak yam amburei suma nglo suma aduk mbina woina.

Isai 48:2

Agi suma tagi nga lagi zlezleû ala a yagi ala: Agi ni suma kur azì ma ngol ma a tinim iram vama na, agi suma dengêgi tagi yam Alona hi Israel-lâ ma a yum ala Ma didin ma ad’engêm kal petna na, agi humugiya.

Wana ni mbaktumba hi Job-pa 26:12

Kad’eng mamba nga mi tcha alum ma ngolâ tata, ki ne mamba mi kus yam ambur ma a yum ala Rahap-ma na.

Nehemi 9:11

Ang wal alum ma ngolâ woi avoroziya, azi djagam kasezi sod’a tchitching, wani suma a nga digizi blogozina, ang sirizi kä aduk galileina d’igi ahinad’a sir kä aduk mbina na.

Sunda hi suma hi Levi-nid’a 11:44

An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Sawal la giled’a 107:25

Mi de zlad’a, babar ma ngolâ mi tchol akulo bibik, mi labilâ ngola heî mi.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Jeremi 51:5

Kayam ambas sa Babilon-nda ti oî ki tchod’a avok Ma tin tam irat vat yam Israel-lîna. Hina pet pî, Israel-lâ ki suma Juda-na, Alo mazi Ma didin ma ad’engêm kal petna mi arazi nga woi d’i.