Isai 50:11 - Bible azumeina

¹¹ Gola! Agi pet suma vagi akud’ina, agi suma ganagi akud’a abogina, agi igi aduk aku d’a bibiliu d’a agi vata. Ahle ndazina a tcholï nabo an ba, a mba kagi wana, agi mba bogi ni kur ndaka na.

Isai 50:11 Referans Kwoze

Romê-na 10:3

Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

Jonas 2:8

Ata yima an nga ni lá matnina, an djib’er kangû. Ma didina, tchen man nda an tchenenga, ang humunï kur gong mang nga kud’ora.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Jean 9:39

Jesus mi dala: An mba kur duniyad’a ná ka sariyad’a, kayam suma bei wed’a a we, suma wed’a a duk mi.

Ezekiyel 20:39

Agi Israel-lâ, Salad’a Ma didina mi dala: Agi igiya, ar nge nge pî mi i tuwal filei mama! Wani bugola, agi mba humunu, agi mba mbud’un simiyên ma bei tchod’a ndjendjed’a ki he d’a hawa d’a agi nga hat mi filei maginid’a d’uo d’a.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.

Jacques 3:6

Sinda ni d’igi akud’a na. Ndat ni duniya d’a tchod’a, ti nga naduk hliu teya, nga d’i mbud’um ndjendjed’a pet. Nga d’i ngalei ari meid’a woi pet kaku d’a tcholï Jahanamid’a.

Matiye 22:13

Ata yi máma, amulâ mi de mazungeî mama ala: Agi djinigizi asem kabomu, agi gumza abu woi kur nduvunda; ni yima suma a mba tchi a mba mut siyazi kua ngolina.

Matiye 8:12

Wani sumala leud’a ni mazid’a na, a mba tchuguzi woi abu kur nduvunda; sä kua a mba tchiya, a mba mut siyazi mi.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Zla d’a d’ogolâ 26:18

Sama gurut ma nga mi dur suma kakud’a ki yeûd’a mi hal á tchi matnina,

Sawal la giled’a 32:10

Sama asa’atna mba mi fe ndaka ngola, wani sama deng tam ata Ma didinina, mam mba mi nguyum kä ki djivi mamba.

Sawal la giled’a 16:4

Suma a nga hal alo ma dingîna, a mba mba ki ndaka kaziya. An mba ni ngad’am buzuna d’i, an mba ni yum simiyêm ki vunan nduo mi.

Isai 9:18

Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Amos 4:9

An kak awu magina himbirâ, an som mbei, an tchum mogod’a, an b’lagagi asinegi ma guguzlud’a ki tulumei magina kagu olif magina woi ki djera. Hina pet pî, agi hulongôgï nga geven ndi. An Ma didina ni de na.

Amos 4:10

An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Habakuk 2:13

Le Ma didin ma ad’engêm kal petna mi he nga vuna á le va d’uo ni, suma a le sunda ni makud’a, a kau tazi ni hawa mi.

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.