Isai 5:24 - Bible azumeina

²⁴ Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Isai 5:24 Referans Kwoze

Isai 30:12

Kayam ndata, Ma tin tam irat vat yam Israel-lîna mi dala: Kayamba agi noyôgi zla manda, agi tinigi hurugi yam asa’ata ki zla d’a ka d’a ata yat tuo d’a, agi mbud’uzi nahle suma agi dengêgi tagi atazina,

Wana ni mbaktumba hi Job-pa 18:16

Mam mba mi soï woi ki sideyem ad’u kä dei, abom ma akulona a mba kam mbei mi.

Wana ni Zla d’a Djivi d’a Luc mi b’irita 3:17

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Joel 2:5

Ang ala ni siwela hi pus ma dur ayî ma nga mi pir akulo yam ahuniyônina na, d’igi siwela hi sin aku d’a nga d’i ngal kuzad’id’a na, d’igi andjaf suma ad’eng suma a ndjar á dur ayînina na mi.

Isai 47:14

Gola! Azi ni d’igi asu ma akud’a ngalama na. Azi ndak á sut tazi woi abo sin akud’a d’i, nga ni kiwil ma sana mi le ki tenina d’oze ma sana mi hol ki tama d’uo mi.

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Buzuk ka Abud’a 15:7

Yam ngol mang nga kal teglesa, ang nga zut suma a kak djangûna ki sed’engâ kä; ang ar ayî mang ma bibiliuna nga mi ngalazi d’igi akud’a nga d’i ngal kuzad’a na.

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

Sunda hi suma a sunuzinid’a 13:41

Agi gologiya! Agi suma gologi zlad’a isâ, agi mba lagi atchap, agi mba bagi woyo. Kayam an mba ni le sunda kur atchogoi magid’a, ni sun nda le sama ding mi dagizid’a pî, agi mba hagi gagazid’a kat tuo d’a.

Jean 12:48

Sama noyôn ndei ma ve zla manda d’uo na, ma mba mi kam sariyad’a kama mi nga. Zla d’a an data, ni ndat ba, mba d’i kam sariyad’a kam kur bur ma dabid’a.

Wana ni Zla d’a Djivi d’a Luc mi b’irita 10:16

Jesus mi de mi mam suma hata kua ala: Sama mi humugina, humun ni anu; sama noyôgina, mi noyôn ni an mi; sama mi noyôna, mi noî ni Ma sununïna.

Wana ni Zla d’a Djivi d’a Luc mi b’irita 7:30

Wani Fariziyêna azi ki suma hat gata a noî minda hAlonid’a woyo, kayam azi min nga ala Jean mi lazi batemba d’i.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Amos 2:9

Hina pet pî, an tchi suma Amor suma fuyogeid’a d’igi agu sedrena na suma ad’engêzi d’igi agu sena na na woi avoroziya, an tchazi vud’uzi woyo, an sozi sideyezi woi mi.

Wana ni mbaktumba hi Oze-d’a 9:16

Suma Efraim-ma, a kazi woyo, sideyezi mi so woyo, a mba vut ti. Le azi nga ki grona pî, an mba ni tchazi grozi suma huruzi vazi heîna woyo.

Wana ni mbaktumba hi Oze-d’a 5:12

An mba ni mbut d’igi fotna na yam suma Efraim-ma, d’igi ndjuvul ma mut sïna na yam suma Juda-na mi.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Jeremi 6:19

Agi suma yam andagad’ina pet, agi humugiya! Gola! An nga ni mba ki ndaka yam sum ndazina. Ni wurak ka yam djib’er mazid’id’a, kayam a tin nga humazi yam zla manda d’i, a gol gat manda is mi.

Isai 8:6

Sum ndazina a noî mbiyo ma Silowe ma nga mi djang lalama, a nga le furîd’a yam Resin azi ki Remaliya goroma.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

1 Samuel 15:26

Samuel mi hulong dum ala: An nga ni i ki sed’eng ngi! Kayam ang ge vun ma hed’a hi Ma didinina woyo, Ma didina mi gang wa woi mi, kayam ang kak amula yam Israel-lâ d’uo d’a.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.

2 Amuleina 19:22

Ang ngulî nge? Ang kra’î nge? Ang er ad’ung akulo á lazî nge? Ang hle yang akulo ni yam nge? Ni mi an Alo ma tin tan irat vat yam Israel-lîna.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 9:18

Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Isai 24:6

Kayam ndata, andagad’a ti b’lak kei abo vun ma ged’a hAlonina. Suma a nga kaka kurutna a hlaneka hi tcho mazid’id’a kaziya. Kayam ndata, a dap peyo, a arî akid’eid’a ngiyeû go.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Wana ni mbaktumba hi Oze-d’a 11:9

An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Buzuk ka Abud’a 5:12

Kayam ndata, suma Israel-lâ a b’rau kur ambas sa Ezipte-d’a pet, a ar zla d’a yo kuzad’a woi ta, a yoï ni hububuna.

Gat ta a hat á mbàd’id’a 28:24

Ma didina mba mi ar zla d’a mi sagi nalona kagid’a ta, mba mi sagi ni simetna ki guguma; a mba se kagi hina gagak agi mba dabagi woyo.

Wana ni mbaktumba hi Job-pa 8:17

Sideyem mi hlugut kä aduk ahinad’a, sidiyem mi i gak mi kal angra ahuniyôna.

Ezekiyel 15:6

Ma didina mi dala: D’igi an he agu guguzlud’a á ngala aduk agud’a na, d’igi an tchugut aku á ngala na, an mba ni tchuk suma a nga kaka avo Jerusalem-ma aku na mi.

Amos 2:4

Ma didina mi dala: Suma Juda-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ar gata hi an Ma didinid’a ki vun man ma hed’a woyo, kayam azi vit tazi woi ki filei ma ka zla ma abuyozi ngolo a he tazi kama,