Isai 5:11 - Bible azumeina

¹¹ Ni zla d’a hohoud’a yam suma a buzuk yorogo tcholol á hal süm ma ayîna suma a hir ad’uzi kä avunam gak andjege dangâla a gurut tei ki sed’ema.

Isai 5:11 Referans Kwoze

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

Isai 5:22

Ni zla d’a hohoud’a yam suma a nga kad’enga á tche süm guguzlud’ina, yam suma a nga kad’enga á hlum süm ma ayîna iram tetengâ!

Zla d’a d’ogolâ 20:1

Süm guguzlud’a ni vama las suma, süm ma ayîna heîna nga mi mba ki batranga mi. Sama mi he tam yam süma á tched’ina nga mi wäd’u zla d’i.

Galat-na 5:21

d’od’oka, gurut ki süma, lü ma batranga kahle suma ding suma hina na mi. An nga ni gigid’egi yam ahle ndazina pet, d’igi an gigid’egi avok na: Andjaf suma a nga lahle suma hina na a mba kal kur leud’a hAlonid’a d’i.

1 Korente-na 6:10

suma kula, suma a’arad’a, suma gurut ki süma, suma ngul suma, suma tchiget suma ki suma hina na a ndak á kal kur leud’a hAlonid’a d’i.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Habakuk 2:15

Ni zla d’a hohoud’a yam sama mi he vama tche ma ayî ma tchona mi ndrama d’igi süma na na, tala mi gurut gurut ba mam mi wum gandila mamba na.

Zla d’a d’ogolâ 23:32

Dabi mamba mi ed’engî d’igi guguina na, mi gangî d’igi hurd’ud’a na mi.

1 Samuel 25:36

Abigayel ti mba avo. Ti fe Nabal mi le nga te ma luna d’igi luna hamulîna na. Nabal mi le furîd’a ngola, mi gurut tei mi. Ndat dum nga zla tu d’i gak yina fo.

2 Samuel 19:35

Ki tchetchemba, bizan ni dok klavandi, an ndak á wal ir vama djivina ki vama tchona zu? An azong mangâ ni ndak á man vama te ki vama tche d’ei zu? An ndak á hum del azungeîna ki yugunei suma a nga hle sawalina d’ei zu? Ni kayam me ba, an azong mangâ ni ndak á tining ang salana amul mana aneka kang ngei ge?

Isai 22:13

Wani agi nga ayâgiya, agi nga lagi furîd’a, agi nga tchagi amuzleina, agi nga tchagi aho’â, agi nga mud’ugi hliuna, agi nga tchagi süm guguzlud’a, agi nga dagi ala: Ei teya, ei tcheya, avin ei boya!

Isai 24:9

Sama mi tche süm guguzlud’a mi hle sawalina nga d’uo d’a, süm ma ayîna mi mbut wa aglara avun suma a tchuma mi.

Isai 28:3

Mba mi miret avaval la subur tad’a hi suma Efraim suma a gurut ki sümina kä kasemu.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Habakuk 2:5

Ndjondjoîd’a nga d’i b’lak sana; sama subur tama nga mi kak tchugot ti, nga mi ngo vunam mbei d’igi zula tos matna na, d’igi matna va nga mi ndagam mbuo na mi. Kayam ndata, nga mi kus yam andjaf suma teteng, nga mi yozi magomba ad’um mi.