Isai 49:11 - Bible azumeina

¹¹ An mba ni ge lovota yam ahinad’a, suma a mba hulong tit kua mi.

Isai 49:11 Referans Kwoze

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Isai 43:19

Gola! An nga ni le vama awilina. Ki tchetchemba, mi nga mi mba. Agi mba wum mbuo zu? An nga ni ge lovota hur fulâ, an nga ni gäluma yam andaga d’a so d’a gangrasa mi.

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Sawal la giled’a 107:4

Israel suma dingâ a dau abagei hur fulâ, kur tit mazi d’a glovot hur ful ma gangrasîd’a. Azi fe nga azì ma kaka d’i.

Isai 19:23

Kur bur máma suma Ezipte-na a mba ge lovota avo Asiri, suma Asiri-na a mba i avo Ezipte. Suma Ezipte-na a mba i avo Asiri mi, suma Ezipte-na ki suma Asiri-na djak a mba kud’or Ma didina.

Isai 52:12

Agi b’ad’agi tagi á buzuka d’i, agi buzugugi woi ki ringâ d’uo mi, kayam Ma didina mi nga avorogiya, Alona hi Israel-lîna mba mi kak ndjola blogogi mi.