Isai 47:10 - Bible azumeina

¹⁰ Ndak tin huruk yam asa’at maka, ndak dala: Sa nga mi wan ndi. Ne maka ki we mak ka heîd’a a b’lagak yagu, ndak nga d’i de kuruk ala: Sama d’igi an na na nga d’i.

Isai 47:10 Referans Kwoze

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Isai 29:15

Ni zla d’a hohoud’a yam suma a nga ngei nga hur mazina kä avok Ma didina suma a nga le sunda kur nduvunda suma a nga dala: Ni nge mi golei mi wei ge na.

Romê-na 1:22

A nga subur tazi ala azi ni suma ned’a, wani a mbut ni suma lilid’a.

Sawal la giled’a 52:7

Alona mba mi b’lagang ngei ki irang fafat, mba mi diging ngei kur aziyangû, mba mi pad’ang ngei aduk suma yam andagad’ina mi. Tchol ndjö

Ezekiyel 8:12

Mi dan kua ala: Ang gor sana, ang nga wahle suma suma nglo suma Israel-lâ a nga lazi kur nduvunda wana zu? Nge nge pî filei ma tcheta mi nga oîd’a kur gong mamba! Kayam azi nga dala: Ma didina nga mi wei d’i, Ma didina mi ar wa ambas sa wanda woyo.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Ma tchi wala 8:8

Sana mi nga kad’enga á d’el simetna d’i. Hina mi, mi ndak á d’el tam bei matna d’uo mi. Ata yima ayî ma durâ mi nga na, sama mi prut tam mbeina mi nga d’i. Hina mi, asa’ata ti ndak á sut salat ma mi latna d’uo mi.

Sawal la giled’a 64:5

Azi ngei tazi kä gumun á yet suma d’engzengâ, azi nga yed’ezi bei mandarâ kuruzi ba.

Isai 28:15

Agi nga dagi ala: Ami djinimi vunami ki matna, ami vami banad’a ki yima azuleina. Fata tugud’ei d’a tcho d’a tchi matna ti ndja abot tei ti kala, mba d’i fami d’i. Kayam ami mbud’umi zla d’a kad’a ni yi mami ma ngei tad’a, aboi ma kad’a ni yi mami ma kaka mi.

Sawal la giled’a 10:11

Nga mi de kurum ala: Alona mi mar wa, mi tchok wa yam kä, nga mi we d’i.

Isai 47:8

Ndak ka djifâ heîd’a, ndak ka nga kaka halasa, ndak ka nga de kuruk ala: Sama d’igi an na na nga d’uo an mba ni ar modonod’a d’uo grona a mba dap pei d’uo mi d’a, ndak huma!

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.