Isai 47:1 - Bible azumeina

¹ Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Isai 47:1 Referans Kwoze

Jeremi 51:33

Ma didin ma ad’engêm kal petna, Alona hi Israel-lîna, mi dala: Babilon ti ni d’igi ambid’ak ma a to awuna kuana na. Ar hina ndjö, yima duta nga mi mba kad’u!

Sawal la giled’a 137:8

Ndak Babilon, ndak ka a nga b’lagak keid’a, sama mba mi lak tcho d’a ndak lamizi mi amid’ina, mi le furîd’a!

Zakari 2:7

Agi suma Siyon suma nga kaka Babilon-na, agi buzugugi woi sud’ugi tagiya.

Jeremi 50:42

A nga piget yeû mazid’a kasubiyo mazina. Azi ni suma murud’um suma bei we hohowa suma suma delezi nga d’i ngir kä d’igi alum ma ngolâ vunam mi tchi wü na na. A nga akulo yam akulumei mazina, a ndjar á dur ayîna d’igi sama tuna na á duruk ndak Babilon.

Jeremi 46:11

Ndak gor wei d’a Ezipte-d’a, ndak i Galät á halï kumana á tchil tagu. Ndak nga d’i hal kumana andjavam teteng pî, ni hawa na! Kuma ma tchilik nga d’i!

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Jeremi 48:18

Agi suma kaka avo Dibon-na, agi tchugugï asegi kä woi kur subur magid’a, agi i kagagi sä yam andaga d’a sod’a, kayam mam ma b’lak Mowap-ma nga mi djï kagiya, nga mi b’lak azì magi ma ad’eng ma ngunguna woyo.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Sawal la giled’a 18:27

Sama yed’etna, ang nga tagam yed’et manga, sama nga mi le sun nda ata yat tuo d’ina, ang nga simid’am sun nda ata yat tuo d’a mi.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

Ezekiyel 28:17

Kayam djif mangâ ang hle yang akulo, ang b’lak ne manga woi ki wile manga. An nga ni zud’ung kä andaga, an nga ni mbud’ung vama amuleina a golom isâ.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Hor ma tchina 4:5

Suma a nga te te ma djivina adjeuna, a nga bo kä ir palumba. Suma a wul kur djivid’ina, a nga bulul kä yam djimgilâ.

Hor ma tchina 2:21

Suma awâna ki momorogeina a puk kä andaga ir palumba, yugunei man suma bei ngaf kandjofâ ba na kazungeî mana a puk kä abo mbigeu d’a fiyaka. Ang tchazi kur bur ma ayî mangâ, ang ngad’azi woi bei wazi hohowozi ba.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

Jeremi 13:18

Ang de mamulâ kasum mba amula ala: Agi bululugi kä andaga kayam avaval magi d’a amula ti nde wa kä woi kagi da’.

Isai 52:2

Ndak Jerusalem, ndak tchol akulo, ndak po gugum ma ata’â woyo. Ndak gor wei d’a Siyon nda avok kur magombid’a, ndak kak kä á but ziyo ma a djiniksi kele’â woyo.

Isai 26:5

Mi zut suma a nga kaka akulo ata yima ndingîna kä, mi zut azì ma ngol ma akulo ata yima ndingîna kä andaga, mi tom kä woi andaga ndjandjam mi.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Sawal la giled’a 89:44

Ang guluyôm sï mbigeu mamba, ang ndjunum nga ata yima dur ayîna d’i.

Wana ni mbaktumba hi Job-pa 2:13

A kak kä ki sed’em aduk andagad’a, gak burâ kid’iziya andjege ki faleya, bei dum zla ba, kayam azi we ndak mamba ti kal ngola heî.

Wana ni mbaktumba hi Job-pa 2:8

Job mi i kak kä aduk butna, mi hlazlunga á grik ki tamu.

Wana ni mbaktumba hi Aze-d’a 2:22

an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

Jonas 3:6

Kid’a amul ma Ninif-fâ mi hum zla ndatid’a, mi tchol lei yam zlam mam mba amula, mi fok baru mam mba amula woyo, mi tchuk baru d’a dodora atamu, mi kak kä aduk butna.

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Jeremi 50:1

Wana ni zla d’a Ma didina mi dat yam azì ma Babilon-na kambas mamba avun ma djok vun Alona Jeremi-d’a:

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Isai 21:1

Wana ni zla d’a a dat yam hur ful ma avun alum ma ngolîd’a: D’igi mbirlimba ti kal abo ma sutna na, ma djangûna mi tcholï yam ambas sa ti mbut suma mandarîd’a, nga mi djï hur fulâ.

Jeremi 51:1

Ma didina mi dala: Gola! An nga ni tchol ki simet ma b’lak yina yam azì ma Babilon-na, yam suma a nga kaka kuruma mi.

Jeremi 51:51

Suma hAlonina a dala: Zulona mi vami yam ngul la a nga ngulumid’a. Zulona mi vami kekei, kayam andjaf suma dingâ a mba, a tchuk kur gong nga a tinit irat vata hi Ma didinid’a.