Isai 46:7 - Bible azumeina

⁷ A nga hle filei máma, a nga zim keleziya, a nga tinim ata yamu. Mi arî ata yam máma na, nga mi djok kei d’i. Le a yum pî, nga mi hum mbi, nga mi sut sa woi kur yima ndaka d’uo mi.

Isai 46:7 Referans Kwoze

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Isai 46:1

Alo ma a yum ala Bel-lâ mi mbut amangeîd’a, alo ma a yum ala Nebo-na mi hom kä. Gola! A nga zï filei mazi ma tcheta huyok d’uwar ma zï ahlena, a nga zï aneka. Nanek ka ngola seî d’uwarâ.

Jonas 1:5

Ata yi máma suma a le sunda kur batod’ina a nde le mandarâ, nge nge pî nga mi yi alo mama ala mi ndjunumu. A nde yo ahle suma kur batod’ina, a nga tchuguzi woi kur aluma, kayam batod’a ti ar afefeta. Wani Jonas mi kal wa kä ad’u batod’a, mi bur sena d’ad’ak.

Daniel 3:1

Amulâ Nebukanezar mi he vuna ala a yor filei ma lora, fiyagam mba akulod’a metred’a dok hindi, bubuwam metred’a hindi. Mi tinim kä kur yima papana ma Dur-râ kur andaga d’a Babilon-nda.

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

1 Amuleina 18:26

A vamuhl ma a hazizina, a minim yam yima ngal ahle suma ngat buzuna, a nde tchen Bäl ki yorogo dei, a nga er ad’uzi akulo ala: Bäl, Bäl, ang hulongômi humba! A le gak afata tchol faleya. Wani sama hulongôzi zla tu pî nga d’i. Wani azi nga pir akulo, a nga pir akulo, a nga ngui yima ngal ahle suma ngat buzu ma azi minima.

1 Samuel 5:3

Ndjivin nda suma Asdot-na a tchol akulod’a, a fe Dagon mi puk kä ki iram andaga avok zandu’â hi Ma didinina; azi hlum a tcholom akulo blangâma.

Isai 37:38

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ a yum ala Esar-Hadon mi vrak tamula blangâmu.

1 Korente-na 12:2

Agi wagi ala kid’a agi ni suma bei wAlona tua d’a, suma a nga tanagi bugol filei ma ngela d’igi azi min na.

Isai 40:20

Sama hou ma mi ndak nga á he he d’a hawa d’a hina d’a d’uo na, mi man agu ma fotna fod’om nga d’uo na. Bugola, mi hal sama d’alâ mi tched’em filei ma ad’eng ma bei gigeta ba na.

Isai 41:7

Sama d’alâ nga mi had’enga mi ma yor ahlena, sama nga mi min ahlena kabo tchafina mi had’enga mi sama nga mi tum ahlena yam tchafina, nga mi de yam vama a djagama ala: Mi djak djivid’a heî, nga mi b’al filei máma kä ki pondena tala mi giget tuo d’a.

Isai 41:28

An gola, wani sa nga d’i. Sama adigazi ma ndak á dan zlad’a d’oze mi hulongôn humba yam djop pa an mba ni djobota nga d’i.

Isai 44:12

Sama tchafa nga mi hle lomba. Nga mi le sunda ki kiwilâ, nga mi min fileina kabo tchafa, nga mi le sunda kad’engêmu, wani meid’a nga d’i tchumu, ad’engêm nga d’i. Le mi tche nga mbina d’uo ni, mi seî ni seyâ.

Isai 47:15

Wana nahle suma a nga mba yam suma ndak kau tak ki sed’ezi suma ndak mbut abok ki sed’ezi ki gogorok deina. Nge nge pî mba mi i yi mama, sama mba mi sud’u’â nga d’i.

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

Isai 41:29

Gola! Azi pet ni va d’i, sun mazid’a ni sun nda hawa yaka, filei mazina ni simetna, ni vama nga d’uo na mi.

Jeremi 11:12

Ata yi máma suma Juda-na ki suma a nga kaka avo Jerusalem-ma a mba hulong gen alo ma ding ma azi nga hum dubang ma his djivid’ina. Wani mam mba mi sud’uzi woi ata yima ndaka mba kazi máma d’i.