Isai 46:3 - Bible azumeina

³ Agi Israel suma hi Jakob suma aragina, agi humugiya. An hlanek magid’a kan ni kid’a a vagi wirigid’a dei, an hlanek magid’a kan ni ata yima a vud’ugina dei mi.

Isai 46:3 Referans Kwoze

Gat ta a hat á mbàd’id’a 1:31

Agi tagi wagiya, abagei hur fulâ mi zigi d’igi sana mi zi goroma na, kur tit magi d’a fiyaka gak mi mbagi ata yima ka hina.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Sawal la giled’a 71:6

An tin hurun kangî ei kur asun dei, ni ang ba, ndanï woi kur asunu. Kayam ndata, an nga ni gileng teteu.

Isai 51:1

Ma didina mi dala: Agi suma nga tid’igi bugol d’ingêrina, agi humundiya! Agi suma nga halan an Ma didinina, agi mbud’ugi iragi gologi ahina d’a a buzugugi kuad’a, ki zul ahina d’a a buzugugi kuad’a.

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Isai 10:22

Ang Israel, le sum mangâ a mba zulî d’igi les ma avun alum ma ngolîna na pî, nad’uzi d’a arâ ba, mba d’i mba, kayam Ma didina mi nga wa hurum yam b’laka da’. D’ingêra mba d’i kal lei kad’u.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Buzuk ka Abud’a 19:4

Ma didina mi dala: Agi tagi wagi vama an lum ki Ezipte-na, an yogï geven d’igi agigilauna mi yo groma gigingâm na.

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Isai 44:21

Ma didina mi dala: Agi Israel suma hi Jakob-ma, ar agi maragi d’i. Agi nazungeî mana, an minigi kayam agi kagagi azungeî mana. Agi Israel-lâ, an mba ni mar kagi d’i.

Isai 37:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Sawal la giled’a 28:9

Ang sut sum mangâ, ang b’e vunang yam mang suma ang tazi djonina, ang poloziya, ang ngomozi burâ ki burâ.

Isai 4:3

Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma.

Isai 10:20

Kur bur máma Israel suma a arâ, nala suma hi Jakob suma a sutna, a mba ar bei deng tazi ata ma tozina, wani a mba deng tazi ki hur ma tinda yam Ma didin ma tin tam irat vat yam Israel-lîna.

Isai 10:21

Suma a arâ a mba mba; gagazi, suma hi Jakob suma a arâ a mba mba ata Alo ma ad’engêm kal petna.