Isai 46:10 - Bible azumeina

¹⁰ An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Isai 46:10 Referans Kwoze

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Sawal la giled’a 33:11

Wani nga hurâ hi Ma didinina mi nga burâ ki burâ, djib’er ra kurum krovod’a ti nga ni kur atchogoi d’a lara ge pet mi.

Isai 43:13

An ni ma nga avok dedeina; sama prut va abon nga d’i. An mba ni le va. Ni nge ba, mba mi d’elen nge?

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Sawal la giled’a 135:6

Vama lara ma Ma didina mi min luma mi lumu, mi lum kur akulod’a, yam andagad’a, kur alum ma nglona, kur zul galilei mazina pet mi.

Sunda hi suma a sunuzinid’a 5:39

Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.

Isai 44:7

Ni nge ba, d’igi an na ge? Ar mi de, ar mi van ad’ud’a, dedeid’a an tchuk sumid’a: ar mi de woi yam ahle ndazina, yam ahle suma a nga mbana mi.

Isai 46:11

An nga ni yï alei ma vik ahlena abo ma yorogona, an nga ni yï sama yam andaga d’a deid’ina á ndak vun nga hur mana. Vama an duma, an nga ni lumu; vama an ngam kuruna, an nga ni ndagam vunam mi.

Hebre-na 6:17

Alona mi min tak min mamba woi mi suma a mba ve vama mi hlazi vunam kam ma bei mbutina. Hina, mi gunuzi tam mi.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Sunda hi suma a sunuzinid’a 15:18

Gola! An Ma didin ma tak ahle ndazina woi kur atchogoi d’a kalina, ni de na.

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Sunda hi suma a sunuzinid’a 3:23

Wani nge nge pî ma mi hum nga ma djok vun máma d’uo na, a mba bam mbei aduk suma hAlonina.

Isai 14:24

Ma didin ma ad’engêm kal petna mi gun tam ala: Gagazi, vama an djib’erem kuruna mba mi le hina, vama an nga hurun kama mba mi le hina mi.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 40:8

Asuna mi so woi b’o mamba ti yak kei mi, wani zlad’a hAlo meinid’a mba d’i ar gak didin.

Isai 41:4

Ni nge ba, mi ndak vun ahle ndazina ge? Ni Ma mi yi andjaf suma kad’u tinda deina. Ni an Ma didin ma lahle ndazina avok deina, ni an ba, mba ni lahle suma kur atchogoi d’a danandina mi.

Isai 48:3

An dagi adjeu dei yam ahle suma kalâ, an hlagi vunanu, an dagi woi kazi mi. Atogo hina zak an laziya, azi le mi.

Isai 48:14

Agi pet, agi togogiya. An nga ki banan ma kokodjo ma mba mi ndak vun nga hur manina. Mba mi te yam suma Babilon-na kad’eng manda. Ni nge adigagi ba, mi de woi yam ahle ndazina ge? Sa nga d’i.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Jeremi 44:28

Suma a mba sut avun ayînina a ni hina ngiyeû, a mba tchol kur ambas sa Ezipte-d’a á hulong yam ambas sa Juda-d’a. Wani suma Juda suma a arâ pet suma a mba ka hî Ezipte á kak kuana, a mba we zla d’a mba d’i ndaka ni manda d’oze ni mazid’a zu?

Wana ni mbaktumba hi Oze-d’a 5:9

Suma Efraim-ma a mba mbut vama b’laka kur bur ma an ngobozina. Zla d’a an nga ni dat mandjafâ hi Israel-lîd’a ni zla d’a gagazi d’a mba d’i led’a.

Wana ni mbaktumba hi Job-pa 23:13

Vama mam dala: Le ni hina na, ni nge ba, mi ndak á d’elem ge? Vama mam hurum vum á luma, mi nga mi lumu.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 41:21

Ma didina mi de malo ma ka zlad’a ala: Agi mbeï dagi ad’u zla magid’a woyo. An amulâ hi Jakob-ma ni dala: Agi dagi zlad’a á pad’agi zlad’a kagi woyo.

Ezekiyel 39:8

Gola! Ahle ndazina a nga djïya, a mba le! Ni bur ma an de zlad’a kama! An Salad’a Ma didina ni de na.