Isai 45:1 - Bible azumeina

¹ Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Isai 45:1 Referans Kwoze

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 42:6

An Ma didina ni yangî yam d’ingêra, an nga ni vang abong akulo, an nga ni ndjunungû, an nga ni tining á djin vunang ki suma pet á mbut b’od’a handjaf sumid’a,

Sawal la giled’a 73:23

Hina pet pî, an nga zlapa ki ang teteu; ang van kabong ma ndjufâ.

Isai 41:13

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.

Jeremi 50:35

Ma didina mi dala: Ar a dur suma Babilon-na, ar a dur suma a nga kaka kur aziyazi ma ngolîna, mazi suma nglona ki mazi suma ned’a mi!

Isai 45:5

An ni Ma didina, ma ding nga d’i. Alo ma ding nga woi keng vam mbi, ni an tu. An djining ad’enga atang d’igi sana mi djin d’i’â furum na avok bei ang wan ba,

Esdras 1:1

Kur biza d’a avok ka Sirus amul ma Perse-na nga mi tamulid’a, Ma didina mi nga hurum á ndak vun zla d’a mi dat avun mam ma djok vuna Jeremi-d’a. Mi mal djib’era hi Sirus amul ma Perse-nid’a woyo. Sirus mi tchi wala ki vunamu, mi b’ir mbaktumba mi suma kur leu mambina pet ala:

Nahum 2:6

Amul ma Ninif-fâ nga mi yi grang mam suma dur ayîna, wani azi nga puk kä kur tit mazid’a. Suma djangûna a nga b’at tazi atogo, a i irazi abo ma ir gulumuna hazì ma ngolîna, a tin pola iraziya.

Daniel 7:5

Ambur ma mbàna mi hle tam d’igi ursâ na. Mi nga tchola akulo kasem ma bugolâ, asok ma papeina hindi mi nga avunam aduk siyamu. A hum vuna ala: Ang tchol akulo, ang mut hliuna ngola.

Isai 13:3

An he vuna mi suma a he tazi mi an na, an yi azigar man suma gangrang suma a nga han ngola yam kus mandina á tak ayî mana woi abua.

Wana ni mbaktumba hi Job-pa 12:21

Nga mi mbut suma nglona vama a golom isâ, nga mi b’at ahle suma sïna woi abo suma ad’engâ mi.

Daniel 5:6

mi le mandarâ ngola, vunadigam mbi pat fek, guguvam nga mi zlak kikibi mi.

Jeremi 27:6

Ki tchetchemba, an nga ni hambas sa wanda pet abo Nebukanezar azong mana, amul ma Babilon-na, an nga ni hum azurei suma abageina á lum sunda.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

1 Amuleina 19:15

Ata yi máma Ma didina mi hulong dum ala: Ang hulong hle lovot mang nga hur fulîd’a, ang i Damas. Le ang mbaza ni, ang pat Hazayel, ang vom mbulâ kam á tinim amula yam suma Siri-na d’igi an dang na.

Daniel 8:3

An hle iran akulo, an we gamlâna nga tchola avun aluma. Adivim mbà, adif máma mi fuyogeid’a heî, wani ma deî bugolâ mi kal ndrama ki fiyaka.

Jeremi 50:3

Kayam andjaf ma dingâ mba mi tchol abo ma norâ á dur ayîna ki sed’emu. A mba mbud’um ambas mamba djona, a mba fe sama kak kur ri. Suma ki d’uwarâ a mba ringâ, a mba tcha tata.

Isai 41:25

An tcholï ki sana abo ma norâ, nga mi djï abo ma yorogona. Nga mi yan simiyênu, nga mi miret suma te yamba kä kasem d’igi sana mi miret lubuna kä na, d’igi ma min deina mi mbuk lubu ma ab’lorina na mi.

Esdras 1:2

Wana ni zla d’a an Sirus amul ma Perse-na ni data: Ma didina Alo ma akulona mi han leu d’a yam andagad’id’a pet, mi han vuna á minim gong nga kud’ora avo Jerusalem mba Juda-d’a mi.

Isai 13:2

Ma didina mi dala: Agi hlagi drapo d’a taka akulo yam ahina d’a va nga kat tuo d’a, agi eregi ad’ugi akulo kad’u, agi lagi abogi ala ar a kal avun agre’â hi suma nglonina!

Isai 48:15

Anu, an de wa. An yumu, an mbamu; sun mamba mba d’i labom djivid’a.

Jeremi 43:10

Ang de mi Juif-fâ ala: Ma didin ma ad’engêm kal petna, Alona hi Israel-lîna, mi dala: Gola! An mba ni sun ni halï Nebukanezar amul ma Babilon-na azong mana, an mba ni tin zlam mam mba amula yam ahuniyô suma an ngeyezi kä wana, mam mba mi bar tapi mama kazi mi.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Jeremi 51:58

Ma didin ma ad’engêm kal petna mi de kua ala: Gulumun ma ngol ma Babilon ma bubud’a a mba hôm kä woi ki zla tam pet. Vun agrek mat ma fuyogeina a mba ngalam mbei kakud’a. Suma a tchi tazi á le sunda ni hawa na, andjaf suma a kau tazi ni makud’a mi.

Ezekiyel 29:20

An nga ni hum ambas sa Ezipte-d’a. Ni wurak ka yam sun mambid’a, kayam azigar mama a le ni sunda mi anu. Ni an Salad’a Ma didina ba, ni de na.

Daniel 8:4

An we gamlâ máma nga mi dap abo ma fladegena, abo ma norâ kabo ma sutna kadivimu. Vama ndak á tchol avoroma nga d’i, sama ndak á prut va abom nga d’uo mi. Mi le ni vama hurum minima, nga mi i avogovok mi.

Nahum 3:13

Azigar mangâ a mbut ni d’igi aropma na kurungû. Vun agre’â hambas mangina mi mal lei hotot mi mang suma djangûna, akud’a ti ngal wa kawei ma murguli ma avun agrek mangîna woyo.