Isai 43:2 - Bible azumeina

² Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 43:2 Referans Kwoze

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Sawal la giled’a 66:12

Ang ar suma a kal kami djangâ kakulumeina, ami kalami aduk akud’a ki mbina mi, wani ang pad’ami woi kur á b’lengêmi hurumiya.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Hebre-na 11:29

Ni yam he gagazid’a ba, Israel-lâ a djak alum ma ngol ma Tchereuna d’igi yima sod’a na. Wani ata yima Ezipte-na a kuk á led’a hina na, mbina mi hlubuzi kä.

Josue 1:5

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Sawal la giled’a 66:10

Alo mamina, ang kugumiya wa, ang yoromi wa d’igi sana mi yor kawei ma hapma na.

Buzuk ka Abud’a 14:29

Wani Israel-lâ a nga tit kur alum ma ngolâ kasezi sod’a tchitching. Mbina mi nga tchola woi ata abozi ma ndjufâ kabozi ma gulana d’igi gulumuna na mi.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

2 Timote 4:22

Ar Salad’a mi kak ki sed’engû. Ar Alona mi vagi sumad’a mi.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Isai 30:27

Gola! Ma didina mi tcholï ata yima deina, nga mi djïya, nga mi vat tei kayîna tutunuk, vunam mi nga tchurota woi kayîna, zla d’a nga d’i ndavunamba ni d’igi aku d’a ti ngal yinid’a na.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Sawal la giled’a 32:6

Kayam ndata, ar suma d’engzengâ pet a tcheneng ata yima azi nga ki irazi tua na. Le ndak ka ngola kus kazi d’igi mbina mi kus hina pî, mba d’i fazi d’i.

Isai 43:5

Agi lagi mandara va d’i, kayam an nga ki sed’egiya. An mba ni yogï andjavagi abo ma yorogona, an mba ni togogï abo ma fladegena mi.

Jeremi 42:11

Ar agi lagi mandarâ abo amul ma Babilon ma agi nga lum mandarama d’i. Agi lum mandaram mbi, kayam an nga ki sed’egi á sud’ugi woi abomu. An Ma didina ni de na.

Jeremi 46:28

Ma didina mi de kua ala: Agi suma hi Jakob-ma azungeî mana, agi lagi mandar ri, kayam an nga ki sed’egiya. An mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Daniel 3:23

Wani suma hindi ndazina, nala, Sadrak, Mesak ki Aben-Nego, a tchuk kä aduk für ra aku d’a hîhîka ki djinda.

Wana ni mbaktumba hi Aze-d’a 1:13

Aze ma Ma didina mi sunuma, mi de mi suma d’igi Ma didina mi sunumï na ala: Ma didina mi dala: An nga ki sed’egiya.

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.