Isai 43:12 - Bible azumeina

¹² Ni an ba ni de woyo; ni an ba ni sut suma; ni an ba ni tak ahle suma a mba lena mi. Nga nalo ma ding ma adigagina d’i. Agi tagid’a ni glangâs mana. Kayam ndata, an Ma didina ni dala: Ni an ba nAlona!

Isai 43:12 Referans Kwoze

Isai 43:10

Ma didina mi dala: Agi ni glangâs mana, agi nazungeî man suma an managina. Ar agi wagiya, ar agi hagi gagazid’a kanu, ar agi wagi ad’ud’a ala avogon alo ma ding nga d’i, blogon alo ma ding nga d’uo mi.

Gat ta a hat á mbàd’id’a 32:12

Gagazi, ni Ma didina tu ba, mi tin sum mama; alo ma ding nga ki sed’em mbi.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Isai 37:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Gat ta a hat á mbàd’id’a 32:16

Azi djo Ma didina ki sun mazi d’a ndjendjed’a, a zalam hurum ki kud’or ra azi nga kud’or alo ma dingîd’a mi.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.

Isai 55:4

Gola! An tinimî ma glangâsâ yam suma, ma tak lovota mi suma, ma te yam suma mi.