Isai 42:17 - Bible azumeina

¹⁷ Suma a tin huruzi yam fileina ki suma a nga de mi kawei ma yora ala: Agi nalo mamina na, a mba didak bugolo, a mba mang ngei abo zulona mi.

Isai 42:17 Referans Kwoze

Sawal la giled’a 97:7

Suma a nga kud’or fileinina ki suma a subur tazi kama pet a mba mbut zulona, alona pet mi grif kä avok Ma didina mi.

Isai 44:11

Gola! Suma a lazina pet a mba mbut zulona, suma a tched’ezina ni suma hawa. Ar azi tok pet, ar azi mbeï avoronu. Azi pet a mba le mandarâ, a mba mbut zulona mi.

Isai 1:29

Gagazi, agi mba mbud’ugi zulona kagu ma terben agi tinigi hurugi kama, agi mba mbud’ugi zulona kasine ma agi manam ma agi nga tuwalagizina mi.

Isai 44:17

Nga mi min alo ma ala ni filei mama na kad’um mba ara, nga mi grif kä avoromu, nga mi kud’uromu, nga mi tchenem ala: Ang prud’un ndeyo, kayam angî alo mana.

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 32:4

Mi ve ngangam ma lora aboziya, mi yoromu, mi minim gor amuhlâ. Ata yi máma Israel-lâ a er ad’uzi akulo ala: Gol alo mei ma pad’eï woi kur ambas sa Ezipte-d’ina ba wana!

Isai 44:9

Suma a min fileinina pet a ni va d’i, sun mazi d’a djif ndata nga d’i lazi va d’uo mi. Azi ni glangâsâ hi filei mazi máma, wani a nga we d’i, a nga wäd’u zla d’uo, a mba mbut zulona mi.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Sawal la giled’a 135:18

Suma a lazina a hle tazi ni d’igi azi na, suma pet suma a tin huruzi kazina, a hle tazi ni d’igi azi na mi.