Isai 40:5 - Bible azumeina

⁵ Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 40:5 Referans Kwoze

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Wana ni Zla d’a Djivi d’a Luc mi b’irita 3:6

Suma pet a mba we sut ta Alona mba mi sud’uzid’a.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 58:14

ata yi máma ang mbud’un ni an Ma didina va mang ma furîd’a, an mba ni tining akulo yam ambasa yam yima ndingâ, an mba ni hang tena ki djona habung ngolo Jakob-ma. Wana ni zla d’a ndavunan an Ma didinid’a.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Sunda hi suma a sunuzinid’a 2:17

Alona mi dala: Kur bur ma danana, an mba ni vo Muzuk mana yam suma pet. Grogi suma andjofâ ki suma aropma a mba djok vun Alona, azungeî magina ahlena a mba nde woi iraziya, momorogei magina adïd’a mba d’i dazi mi na.

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

Jean 12:41

Isai mi de zla ndata hina, kayam mi we subura hi Jesus-d’a, mi de kam mi.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Mise 4:4

Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.

Jeremi 9:12

Sama ne ma mi wäd’u ahle ndazina ni nge ge? Sama Ma didina mi dum zlad’ina, ar mi de woi mi vad’ud’a kayam me ambasa ti b’lak keyo, kayam me ti ngal lei d’igi hur ful ma sa nga mi kal kua d’uo na na!

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Sawal la giled’a 102:16

Andjaf suma yam andagad’ina pet a mba ring mandara simiyêng ang Ma didina; amulei suma yam andagad’ina pet a mba ring mandarâ abo subur manga mi.

Sawal la giled’a 96:6

Ngola ki subura ni mamba, ad’eng mamba ki wile mamba a nga kur gong mam mba kud’ora.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Jeremi 32:27

An ni Ma didina Alo ma yam suma petna. Vama hlan abod’ina mi nga zu?

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Buzuk ka Abud’a 16:7

Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?

Sawal la giled’a 97:6

Akulod’a nga d’i de woi yam d’ingêr mamba, suma yam andagad’ina pet a nga we subur mamba mi.

Isai 34:16

Agi halagi kur mbaktumba hi Ma didinid’a, agi ndumud’u. Ma agi mba fum kua d’uo na nga d’i; azi pet a mba fazi ni kakap, ma kaleina nga d’i. Kayam ni Ma didina ba, mi he vuna, ni Muzuk mama ba, mba mi togoziya.

Isai 40:4

Ar a min hora akulo min nda dinga, ar a blas ahuniyô suma nglona ki yima ndingâ kä woyo, ar a mbut yima djodjohlâ papana, ar a mbut yima mbed’etna bubud’a d’igi hora na.

Isai 41:20

kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.

1 Amuleina 14:11

Suma avo hi Jerobowam pet ma mit avona, adureina a mba mud’umu; ma mi mit abageina, aluweina a mba tumu. Wana ni vama Ma didina mi duma.

Sawal la giled’a 102:17

Fata Ma didina mi min Siyon akulod’a, mba mi tak tam mbei kur subur mamba.

Isai 26:15

Ma didina, ang zulumi andjavamiya, ang zulumi andjavamiya. Ang wet wa hagad’a hambas mamid’id’a woyo. Suma a suburung yam sun mang nga led’a.

Isai 66:18

An we sun mazid’a ki djib’er mazid’a. Yina mi mba wa á tok andjaf suma pet ki vun ma de ma lara pet, a mba mba á we subur manda.