Isai 40:23 - Bible azumeina

²³ Ni ma mi hulong suma nglona yazi kä, mi mbud’uzi ni va d’uo na, mi mbut suma ka sariya suma yam andagad’ina vama hawa ya’â mi.

Isai 40:23 Referans Kwoze

Sawal la giled’a 107:40

Ma didina mi gol suma nglona hi suma a nga lazi magombina is, mi mbud’uzi suma daud’a abagei hur ful ma lovota nga kua d’uo na.

Wana ni mbaktumba hi Job-pa 12:21

Nga mi mbut suma nglona vama a golom isâ, nga mi b’at ahle suma sïna woi abo suma ad’engâ mi.

Isai 34:12

Kur bur máma sama ngol ma tin sa amul nga d’uo d’a, mat suma nglona a mba wazi d’uo mi.

Isai 23:9

Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Sawal la giled’a 76:12

Agi hlagi vunagi mi Ma didina Alo magina, agi ndagam vunam mi; agi suma nguyuma pet, agi mbagi ki he d’a hawad’a mAlo ma suma lum mandarama.

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Amos 2:3

An mba ni tchamul mazina woi adigaziya, an mba ni tchi mam suma nglona zlapa ki sed’em mi. An Ma didina ni de na.

Wana ni mbaktumba hi Job-pa 12:19

Nga mi yo suma ngat buzuna magomba, nga mi tchuk suma te yamba kä.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.