Isai 40:2 - Bible azumeina

² Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 40:2 Referans Kwoze

Zakari 9:12

Agi suma dangei suma nga ki hur ma tindina, agi hulongôgi kur azì ma ad’eng ma ngunguna. An nga ni dagi ini, an mba ni wuragagi yan mbà.

Isai 61:7

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Wana ni mbaktumba hi Oze-d’a 2:14

An mba ni kizagat guguzlu mata ki tulumei mat suma ndat nga d’i dala: Wana ni wurak ka buniyôna a handji á ted’a d’a woyo. An mba ni ndjoyôzi woi aduk agud’a, azurei suma abageina a mba taziya.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Daniel 11:35

Suma hiuna aduk suma ned’a a mba tchaziya, wani mat mazina mba mi ndjun suma dingâ á mbud’uzi yed’et hapa titil gak yima dabid’a, kayam ahle ndazina a mba mba nata yima a ngama.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Galat-na 4:4

Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Isai 33:24

Sama nga kaka kurut ma mba mi dala: Tugud’eid’a lanu na nga d’i. Suma a nga kaka kur Jerusalem-ma pet, Alona mba mi vat hurum mbei yam tchila mazid’a mi.

Sawal la giled’a 32:1

Ni sawal la David mi hlata. Sama Alona mi vat hurum mbei yam tchila mamba mi zlubum yam tcho mamba kä mi na, mi le furîd’a.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Daniel 12:9

Mi hulong dan ala: Daniel, ang i d’o. Zla ndata mba d’i arî ngeid’a vunat reîd’a hina gak atchogoi d’a dabid’a.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Daniel 9:2

an Daniel ni gol kur mbaktum mba a tinit irat vata. Ata yi máma an wäd’u zla d’a Ma didina mi dat mi mam ma djok vuna Jeremi ala: Jerusalem mba d’i ar djona gak bizad’a dok kid’iziya d’a.

Jeremi 17:18

Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.

Ad’u Tinda 34:3

Mi tin hurum pet kad’u, hurum vad’u, mi dat zla d’a kurumba pet.

Isai 6:7

Mi dondji avunanu, mi dan ala: Ang gola! An dongzi avunang wana, tchila manga a hlat tei da’, tcho manga a hazat tei da mi!

Isai 14:3

Agi Israel-lâ, Ma didina mba mi hagi lovota á kak ki halasa bugol ndak magid’a ki tcha magi d’a tatad’a, bugol sun nda magom mba ad’eng nga a tinigizi kagid’a mi.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Isai 54:15

Le a min á durugu ni, zla ndata ti tcholï nata an ndi. Wani sama lara ma mba mi ndak durîna, mba mi puk kä avorogu.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Isai 66:13

An mba ni b’lengêgi hurugi d’igi sana asum mbi b’lengêm hurum na, an mba ni b’lengêgi hurugi kur Jerusalem mi.

Jeremi 51:10

Ma didina mi ndeï ad’u d’ingêr meid’a woi abu da’. Mbeyegïya, ei i vei ad’ud’a woi yam sunda hi Ma didina Alo meinid’a kur Siyon.

Hor ma tchina 4:22

Ndak gor weid’a Siyon, sariya d’a yam tcho makid’a ndak da’. Mi mba mi ik magomba d’uo d’a. Ndak gor weid’a Edom, ni yam tcho maka ba, mi mba mi gad’agu, mba mi gak ad’u tcho maka woi abu mi.

Ezekiyel 16:42

An mba ni ar hur man ma zal ma ka’â, an mba ni ar yungôr man ma ka’â, an mba ni vat hurun ndeyo, an mba ni zal hurun nduo d’a.

Zakari 1:13

Ma didina mi hulong ki zla d’a de d’a djivid’a ki zla d’a b’leng hurâ mi malaika mám ma nga mi de zlad’a ki sed’ena.

Buzuk ka Abud’a 22:3

Wani le ni faleya ni, sama tchuma zlad’a nga kamu. Ar ma kul máma mi wuraga. Le va nga abom mbuo ni, a guzum mbei yam kul mamba.

Sawal la giled’a 85:3

Ang hle tchod’a hi sum mangîd’a woyo, ang vat hurung ngei yam tcho mazid’a pet mi. Tchol ndjö

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Wana ni mbaktumba hi Oze-d’a 2:16

Kayam ndata, an mba ni lobot ni i ki sed’et abagei hur fulâ, an mba ni b’lengêt hurud’u.

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.