Isai 40:12 - Bible azumeina

¹² Ni nge ba, mi nga mbiyo ma ngolâ hur abom ge? Ni nge ba, mi hle ngola hakulod’a akulo hur abom ge? D’oze ni nge ba, mi nga andaga d’a gugud’upa kur vama nga ahlena d’oze mi hlahina d’a nglod’a kahina d’a gureid’a ki kilona mi ge?

Isai 40:12 Referans Kwoze

Zla d’a d’ogolâ 30:4

Ni nge mi djak akulo ba, mi hulongî kä ge? Ni nge mi ve simetna hur abom ge? Ni nge mi gul mbina atam kur baruna ge? Ni nge mi tin vun dabid’a handagad’id’a ge? Simiyêm nana ge? Simiyê goroma nana ge? Le ang wumu ni, ang danu.

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Wana ni mbaktumba hi Job-pa 28:25

Ata yima mi nga aneka hi simetnid’a mi nga ngola hi mbinid’ina,

Jeremi 31:37

Ma didina mi de kua ala: Ladjï sana mi ndak á nga fiyak ka akulod’a d’oze mi fek ad’u ged’a handagad’id’a ni, an pî ni mba mi tchuk andjafâ hi Israel-lîna woi yam tcho d’a azi lata na mi.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.