Isai 40:11 - Bible azumeina

¹¹ Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 40:11 Referans Kwoze

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Ezekiyel 34:23

An mba ni tin ma pola kazi ni tu, nazong mana David. Mam mba mi poloziya, mam mba mi arî ma pol ma gagazina.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

Ezekiyel 34:31

Salad’a Ma didina mi dala: Agi tumiyô mana, agi tumiyô suma kur yi man ma te hatnina, agi ni suma wurana, an nAlo magina mi.

1 Pierre 5:4

Fata Ma ngol ma kal tegles ma pol tumiyôna mi nde woid’a, agi mba fagi avaval la subura bei wile mata dap pei ba d’a.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Zakari 11:7

An nga ni pol tumiyô suma a tchuguzi á ngatina. Gagazi, azi ni tumiyô suma hohoud’a. An yo tutuguyona mbà, an yi d’a hî d’a ala Sumad’a, an yi d’a hî d’a ala Zlap pa tud’a, an pol tumiyô ndazina.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Ad’u Tinda 33:13

Wani Jakob mi hulong dum ala: Salana, kemba a gugureid’a tua, an nga kaho’â kamuzlei suma grona mi; le an tid’izi atogo kur bur ma tuna go ni, suma gureina a mba ba woyo.

Ezekiyel 34:16

An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.

Ad’u Tinda 49:24

Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a.

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

Isai 42:3

Mba mi kus tchereu ma mi lá kusina woi d’i, miyâ d’a nga d’i d’usa, mba mi tchat tei d’i, mba mi ka sariya d’a gagazid’a mi.

Sawal la giled’a 27:10

Le abun azi kasun a aran ndei pî, ang Ma didina mba van atangû.

Sawal la giled’a 28:9

Ang sut sum mangâ, ang b’e vunang yam mang suma ang tazi djonina, ang poloziya, ang ngomozi burâ ki burâ.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Jeremi 31:8

Gola! An nga ni hulongî ki sed’ezi abo ma norâ, an mba ni togozi avun dabid’a handagad’id’a. Suma duka ki suma dileîd’a, arop suma wirâ ki suma huruzi nga tazi á vutina, ki zla tazi pet a mba tok tok ka ngola ka hî.

Jeremi 31:10

Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Ezekiyel 34:15

An Ma didina ni dala: Ni an ba, mba ni pol tumiyô mana, ni an ba, mba ni hazi tuk tad’a.