Isai 4:3 - Bible azumeina

³ Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma.

Isai 4:3 Referans Kwoze

Wana ni Zla d’a Djivi d’a Luc mi b’irita 10:20

Kayam ndata, agi lagi furîd’a ala muzuk ma teteng ma tchona mi ge yam kä ad’ugiya na d’i, wani agi lagi furîd’a kayambala simiyêgi mi nga b’ira akulo kur mbaktumba hAlonid’a d’a.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Sawal la giled’a 69:28

Ang ndumuzi tcho mazid’a yam ndrat tchod’a, ar azi kal kur d’ingêr manga d’uo mi.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.

Vama ndum mbeina 17:8

Ambur ma ang wum adjewe ki tchetchemba mi nga d’uo na, nga mi ndeï woi kur zul la yiyika á i kur ba mamba. Suma yam andagad’a suma a fazi nga simiyêzi b’ira kur mbaktum mba arid’a avok dei bei ad’u tinda hi duniyad’a d’uo na, a mba le atchap ata yima azi wambur mámina, kayam mi nga adjewe, ki tchetchemba mi nga d’i, wani mam mba mi ndeï woi kua d’ei.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 3:5

Suma kus ayînina a mba tchuk baru ma hapma hina mi, an mba ni tchazi simiyêzi woi kur mbaktum mba arid’a d’i, an mba ni de woi kazi avok Abun ki malaika mama ala azi ni mana.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

Filip-ma 4:3

Ndran ma sun ma d’engzengâ, an nga ni tchenengû, ang ndjun arop ndazina. Kayam azi dur ayîna geven á b’rau Zla d’a Djivid’a zlapa ki Klemâ ki ndron suma sun suma simiyêzi nga b’ira kur mbaktum mba arid’ina mi.

Romê-na 11:5

Ni na mi, kur atchogoi d’a tchetchem wanda, suma hiu suma Alona mi manazi yam suma mambina a nga.

Ezekiyel 43:12

Gat ta yam yina hi gong mandina ba wana: Yima akulo ma ngui ahina d’a fiyak ka ked’iwurengina pet ni yima a tinim iram vam ma kal tegles mi Ma didinina.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Efes-sâ 1:4

Mi manei zlapa tu ki Christ avok dei bei ad’u tinda hi duniyad’a, kayam ei kagei sum mama bei zlad’a kei ba avoromu.

Sunda hi suma a sunuzinid’a 13:48

Ata yima andjaf suma dingâ a hum zla ndatina, a le furîd’a ngola, a subur zlad’a hAlonid’a. Suma pet suma Alona mi ngazi yam ari d’a didindina, a he gagazid’a mi.

Ezekiyel 13:9

An mba mi hlabon kan akulo á ngop suma djok vun suma ahle suma hawa ya’â nga nde tazi irazi suma a nga djok vun ma ka zlad’ina. Azi mba kal kur toka hi sum manid’a d’i, a mba b’irizi simiyêzi kä kur mbaktumba hi Israel-lîd’a d’i, a mba hulong yam ambas mazi d’a Israel-la d’uo mi. Hina wani, agi mba wagi ala an ni Salad’a Ma didina.

Isai 1:27

Ma didina mba mi prut Siyon ndei ni fata ti tit yam d’ingêrid’a, mam mba mi sut suma kurutna woi ni fata a mbut huruzi yam tcho mazid’id’a mi.

Romê-na 11:4

Wani Alona mi hulong dum nana ge? Mi dala: An ngom nga suma kan dudubu kid’iziya suma a grif nga kä avok alo ma a yum ala Bäl-lâ á kud’urom mbuo na.

Sawal la giled’a 87:6

Ma didina mi ndum andjaf suma, mi b’irizi simiyêzi kur mbaktumba ala: Sama lara pî a vud’um mi Siyon sä hî. Tchol ndjö

Isai 28:5

Kur bur máma Ma didin ma ad’engêm kal petna mba mi mbut navaval la wiled’a ki djum mba subura yam mam suma a arâ.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 46:3

Agi Israel suma hi Jakob suma aragina, agi humugiya. An hlanek magid’a kan ni kid’a a vagi wirigid’a dei, an hlanek magid’a kan ni ata yima a vud’ugina dei mi.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Abdiyas 1:17

Wani suma a sut teina a mba kak yam ahina d’a Siyon-nda. Azi mba ka’î suma a tinizi irazi vazina. Suma hi Jakob-ma a mba hle yi mazi ma a hlum abozi adjeuna.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Zakari 14:2

Ma didina mba mi tok andjaf suma á dur Jerusalem. A mba hlazì ma ngolâ, a mba hurum azina, a mba b’lak aropma, abo azì ma ngolâ suma kuruma a mba yozi magomba. Wani suma a arâ a mba dap pei kur azì ma ngolâ d’i.