Isai 39:7 - Bible azumeina

⁷ Azi mba yo grong ngolo suma dingâ, a mba mbud’uzi suma ngom aropma hur azì ma amula hamul ma Babilon-na.

Isai 39:7 Referans Kwoze

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

2 Amuleina 24:12

Ata yi máma Jojakin amul ma Juda-na mi nde woi avun azina kasum kazungeî mama ki mam suma nglona ki mam suma a ngom hurazinina, a i famul ma Babilon-na. Mam vum dangeina, ni kur biza d’a klavandi d’a Nebukanezar nga mi tamulid’a.

Jeremi 39:7

Bugola, mi tcho ir Sedekiyas seyo, mi gum alei ma kawei ma hleuna asem mi im Babilon.

2 Sunda Hamuleinid’a 36:20

Nebukanezar mi yo suma a sut tei avun ayînina, mi i ki sed’ezi Babilon, mi mbud’uzi magumei mama ki magumeina hi gromina mi gak a mba kur atchogoi d’a amul ma Perse-na mi mba á te leud’id’a.

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

2 Amuleina 24:15

Mi i ki Jojakin kasum kamiyôma ki mam suma a ngom hurazinina ki suma ad’eng suma Juda-na magomba avo Babilon.

2 Amuleina 24:10

Kur atchogoi ndata, azigarâ hi Nebukanezar amul ma Babilon-na ki mazi suma nglona a mba ata Jerusalem, a nguyud’u.