Isai 36:7 - Bible azumeina

⁷ Mi dazi kua ala: An wala agi mba dan ala agi tinigi hurugi ni yam Ma didina Alo magina. Wani ni Ezekiyas ba, mi to yima nding ma tetengâ ki yima ngal ahle suma ngat buzu ma tetengâ kä woyo, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu máma avo Jerusalem-mu d’uo zu?

Isai 36:7 Referans Kwoze

1 Korente-na 2:15

Sama nga ki Muzu’â hAlonina, mi ndak á walazi irazi pet, wani sana mi ndak á vum mam tamba ki zlad’a d’i.

Sawal la giled’a 42:5

Wani an nga ki djib’era ki hur ma hata ata yima an nga ni i adjeu ki suma ablaud’a kur gonga hAlonid’a kur bur ma vun tilâ á suburum á lum mersina.

2 Sunda Hamuleinid’a 32:12

Ni Ezekiyas ba, mi to yima nding ma tetengâ ki yima ngal ahle suma ngat buzuna hi Ma didinina ma tetengâ kä woi mi d’uo zu? Ni mam ba, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu ma tuna, agi ngalagi dubang ma his djivid’ina ni yam yima ngal dubang ma his djivid’a ma tuna mi d’uo zu?

2 Sunda Hamuleinid’a 31:1

Kid’a abozi mi dap le vun tilîd’a, Israel-lâ pet suma a nga ata yi mámina, a i kur azì ma Juda-na, a i to ahina d’a nga tchola gongzonga woi pet, a to gonga halo d’a a yat ala Asera-d’a woi pet, a pleî yima nding ma a tuwal fileina kuana woi pet ki yi mam ma ngal ahle suma ngat buzuna pet. A le hina kur andaga d’a Juda-d’a pet, kur andaga d’a Benjamin-nda ki d’a Efraim-mba ki d’a Manase-d’a. Bugola, nge nge pî, mi i avo hatam kur aziyamu.

2 Sunda Hamuleinid’a 30:14

A tchol akulo, a pleî yima ngal ahle suma ngat buzu ma tetengâ ki yima ngal dubang ma his djivid’a ma teteng ma avo Jerusalem-ma woyo, a tchuguzi sä woi kur toliyon nda Kedron-nda.

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

2 Amuleina 18:22

Mi dazi kua ala: An wala agi mba dan ala agi tinigi hurugi ni yam Ma didina Alo magina. Wani ni Ezekiyas ba, mi to yima nding ma tetengâ ki yima ngal ahle suma ngat buzu ma tetengâ kä woyo, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu máma avo Jerusalem-mu d’uo zu?

Isai 36:8

Agi i dagi mi Ezekiyas ala: Ki tchetchemba, an nga ni tchenengû, ang ndjak zla manga ki salana amul ma Asiri-na. Le ang ndak á hal suma djang akulumeina ni, an mba ni hang akulumeina dudubud’a mbà.