Isai 36:12 - Bible azumeina

¹² Wani ma avun ma ngolîna mi dazi ala: Agi djib’eregi ala salana mi sununï ná de zlad’a mamul magina ki agi holu zu? Nga na d’i! Zla ndata ni yam suma a nga tchola akulo yam gulumuna wana pet mi. Ni suma a mba te ini sud’ozi a mba tche ini sumuruzi zlapa ki sed’egina.

Isai 36:12 Referans Kwoze

2 Amuleina 18:27

Wani ma avun ma ngolîna mi dazi ala: Agi djib’eregi ala salana mi sununï ná de zlad’a mamul magina ki agi holu zu? Nga na d’i! Zla ndata ni yam suma a nga tchola akulo yam gulumuna wana pet mi. Ni suma a mba te ini sud’ozi a mba tche ini sumuruzi zlapa ki sed’egina.

Ezekiyel 4:16

Mi dan kua ala: Ang gor sana, an nga ni yo tena hi suma Jerusalem-ma woyo. A mba ngazi tena ni nga, a mba ngazi mbina ni nga, a mba tche mbina ni ki ngad’a ki hohoud’a.

Jeremi 19:9

An mba ni tinizi á mut grozi suma andjofâ ki grozi suma aropma. Nge nge pî mba mi mut ndrama abo ndak ka mazi suma djangûna ki suma a halazi á tchid’ina a mba lazizi kur bur ma a mba nguyuzi kä na.

Isai 9:20

Andjafâ hi Manase-na nga mi mut andjafâ hi Efraim-ma, andjafâ hi Efraim-ma nga ni mut andjafâ hi Manase-na, azi djak a ndjak vunazi yam andjafâ hi Juda-na mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Sunda hi suma hi Levi-nid’a 26:29

Agi mba mud’ugi grogi suma andjofâ ki grogi suma aropma mi.

Isai 36:11

Ata yi máma Eliyakim, Sepna ki Jowa a de mi ma avun ma ngol ma Asiri-na ala: Le ang mina ni, ang dami zlad’a ni ki vun Aram-ma, kayam ami humumu. Ar ang dami zlad’a ki vun Hebre-na hum suma a nga yam gulumuna akulo wana d’i.

Isai 36:13

Wani ma avun ma ngolîna mi er ad’um akulo ki vun Hebre-na ala: Agi humugi zla d’a amul ma ngol ma Asiri-na mi data:

Ezekiyel 4:12

Ang mba te woî awu orsâ, ang mba yumî ki sud’o suma kä irazina.