Isai 35:8 - Bible azumeina

⁸ A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 35:8 Referans Kwoze

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

2 Timote 1:9

Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Jeremi 31:21

Ma didina mi dala: Ndak gor wei d’a Israel-la, ndak pe vama tak lovota, ndak pagu ma tak lovota, Ndak djib’er yam lovot maka, yam lovot ta lara d’a ndak tit kua adjeud’a. Ndak hulongîya, ndak hulongî kur azì mak ma nglona.

Isai 30:21

Fata agi mba d’ezegi woi abo ma ndjufâ d’oze abo ma gulanid’a, agi mba humugi zla d’a ded’a blogogi ala: Lovota avorogi wana! Agi hlagiziya!

Ezekiyel 44:9

Kayam ndata, an Salad’a Ma didina ni de woi mbak ala: Angei ma lara pî ma bei ngad’am bayâd’a ma mi ge nga yam kä ad’u vun man ma hed’a d’uo na, le mi nga ni kaka adigagi agi Israel-lâ pî, mba mi kal kur gong man nda kud’ora d’i.

1 Tasaloni’â 4:7

Alona mi yï ná le mizeuna d’i, wani ná kagei ni suma yed’etna.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Isai 4:3

Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Zla d’a d’ogolâ 8:20

An nga ni tit kur lovot ta d’ingêra, kur lovot ta gurei d’a d’ingêra d’ad’ar,

Sawal la giled’a 119:130

Ndäd’u zla mang nga woid’a nga d’i b’o yina, nga d’i he d’alâ mi suma bei wäd’u zlad’ina mi.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 19:7

Ti ndeï avun dabid’a hakulod’id’a, gak ti i avun dabi d’a abo hî d’a; vama mi ngei tam abo huwak matina nga d’uo mi.

1 Jean 2:20

Agi tagiya, agi vagi Muzuk ma bei tchod’a ma Christ mi vom kagi d’igi a vo mbulâ na. Kayam ndata, agi pet wagi gagazid’a.

2 Pierre 3:13

Wani Alona mi hle vunam yam akulo d’a awilid’a kandaga d’a awilid’a ni yima d’ingêra mba d’i kak kuana. Wana ni vama ei nga djubizina.

Ezekiyel 43:12

Gat ta yam yina hi gong mandina ba wana: Yima akulo ma ngui ahina d’a fiyak ka ked’iwurengina pet ni yima a tinim iram vam ma kal tegles mi Ma didinina.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Isai 33:8

Lovota hurut ni hawa kikid’ik, sa nga mi kal kurut ti. Ma te yamba kad’engina mi but vun ma djinda woyo, mi gol suma glangâsâ is, nga mi he ngol mi sa tu d’i.

Isai 19:23

Kur bur máma suma Ezipte-na a mba ge lovota avo Asiri, suma Asiri-na a mba i avo Ezipte. Suma Ezipte-na a mba i avo Asiri mi, suma Ezipte-na ki suma Asiri-na djak a mba kud’or Ma didina.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

1 Pierre 1:16

Kayam mbaktumba hAlonid’a ti dala: Agi kagagi ni suma yed’etna, kayam an ni Ma bei tchod’a ba na.

Sawal la giled’a 118:20

Wana ni vun agre’â hi Ma didinina; natam mam ba, suma d’ingêrâ a kal kua.

Zla d’a d’ogolâ 16:17

Suma d’ingêrâ a nga wal tazi woi ki tchod’a kur tit mazid’a, sama mi ngom tam kur tit mamba ped’etna mi nga mi ngomî ari mamba.

Isai 51:10

Ni ang ba, so alum ma ngolâ ki mbiyo ma ngol ma d’id’ilima d’uo zu? Ni ang ba, ge lovota kur galileina halum ma ngolîna yam suma ang wurak kazina á djak ki woi d’uo zu?

Sunda hi suma hi Levi-nid’a 26:6

An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

Zla d’a d’ogolâ 9:4

Agi suma bei wäd’u zlad’a ba na, agi mbeyegï ka hî! Ti de mi suma lilid’a ala:

Isai 43:19

Gola! An nga ni le vama awilina. Ki tchetchemba, mi nga mi mba. Agi mba wum mbuo zu? An nga ni ge lovota hur fulâ, an nga ni gäluma yam andaga d’a so d’a gangrasa mi.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.