Isai 35:4 - Bible azumeina

⁴ Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 35:4 Referans Kwoze

Wana ni mbaktumba hi Aze-d’a 2:4

Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 61:2

á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina,

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

Wana ni Zla d’a Djivi d’a Luc mi b’irita 21:28

Wani fata ahle ndazina a tin ad’ud’a á led’id’a, agi gologi iragi akulo, kayam sut magid’a ti mba wa go.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Isai 44:2

Ma didin ma mi lagi ma mi minigi kur asuyogi dei ma nga mi ndjunugina, mi dala: Agi suma hazong mana Jakob-ma, agi Israel suma an managina, agi lagi mandar ri.

Vama ndum mbeina 22:20

Sama de woi yam ahle ndazina petna, mi dala: Â, an nga ni mba ka tchetchem. Amin! Ang mbeya, Salamina Jesus!

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.

Isai 32:4

Suma bei wad’ud’a ba na a mba mbut suma ned’a á wad’ud’a, suma ambrozlod’a a mba de zlad’a atogo tchatchap woi tetet mi.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

Wana ni mbaktumba hi Oze-d’a 1:7

Wani an mba ni we hohowa suma Juda-na. An Ma didina Alo mazina, an mba ni sud’uziya, wani nga ni ki yeûd’a d’oze mbigeu d’a fiyaka d’oze ki durâ d’oze kakulumeina d’oze ki suma djang akulumeina d’uo mi.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Sawal la giled’a 116:11

Kur tcha tata manda an dala: Suma pet ni suma ka zlad’a.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

Sawal la giled’a 94:1

Ma didina, angî Alo ma hlatchugula, angî Alo ma hlatchugula, ar ang tak subur manga woyo.

Sawal la giled’a 145:19

Mi nga ndak vun minda hi suma a nga lum mandarama, nga mi hum tchi mazina, nga mi sud’uzi mi.

Isai 7:4

Ang dum ala ba: Ang kak irang sik, ang le mandar ri. Ar hurung ka mbina avok vuna djo ma mbà ma nga mi d’us wana d’i, avok ayîna hi Resin ma Siri-na kayîna hi Remaliya goromina d’uo mi.

Isai 37:6

Isai mi dazi ala: Zla d’a agi i dat mi salaginid’a ba wana: Ma didina mi dala: An hum ngul la suma nglo suma hamul ma Asiri-na a ngulunda, wani ang le mandarâ yam zla d’a azi data d’i.

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 47:3

A mba fogok ahlena atak kei arak gandilad’a. Suma a mba we zulo ma’â. An mba ni sä atchugula, an mba ni ar sa tu d’i.

Isai 49:4

Wani an dala: An kau tan ni hawa; ni hawa hina yak ba, an nga ni dap ad’engên ndeyo; doli wani zla manda nabo Ma didina, wurak manda nabo Alo mana mi.

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Isai 59:18

Mba mi wurak nge nge pî ndak yam sun mamba, mba mi wurak mam suma huneîd’a kayî mama ndak yam sun mazid’a, mba mi wurak mam suma djangûna ndak yam sun mazid’a, mba mi wurak suma a nga kaka yam tilina ndak yam sun mazid’a mi.

Isai 63:4

Kayam bur ma sä atchugula nga kurun adjeu dei, biza d’a wurak yam sum manid’a ti mba wa.

Daniel 10:18

Ata yi máma hina wat ma mi hle tam d’igi sana na na mi don vunan kua, mi han ad’enga.

1 Samuel 23:17

Mi de mi David ala: Ang le mandar ri, kayam abun Saul mba mi teu atang ngi. Ang mba tamula yam Israel-lâ, an mba ni kak kang á mbàd’a; abun Saul mi we na mi.

Isai 31:5

D’igi aluweina a nga dal akulo yam grozina na, Ma didin ma ad’engêm kal petna mba mi ngom Jerusalem, mba mi prud’ut tei mi ngomot mi sud’ut tei mi.