Isai 35:3 - Bible azumeina

³ Agi siragi abo ma mi mbut amangeîd’ina, agi siragi guguf ma nga mi zlak kekeb’ena mi.

Isai 35:3 Referans Kwoze

Hebre-na 12:12

Kayam ndata, ar agi yogi abogi ma kauna akulo, agi siragi guguvagi ma amangeîna mi.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Sunda hi suma a sunuzinid’a 18:23

Kid’a mi kak sä kua ndjö d’a, mi tchol nga mi tit yam andaga d’a Galat-ta ki d’a Frizi-d’a. Mi nga mi sira suma hata pet kur he gagazi mazid’a.

Wana ni Zla d’a Djivi d’a Luc mi b’irita 22:43

Ata yi máma, malaikana mi tcholï akulo, mi mba á hum ad’enga.

Wana ni mbaktumba hi Job-pa 16:5

An mba ni hagi ad’enga ki zla d’a de d’a avunanda; zla d’a de d’a mba d’i ndavunanda, mba d’i b’lengêgi hurugi kur ndak magid’a mi.

Suma ka sariyad’a 7:11

Sä hî ang mba hum zla d’a azi mba data. Bugola, ang mba fad’enga á duruziya. Zedeyon mi i kazong mama Pura gak a mbaza avun kang ma avok kikidjina.

Buzuk ka Abud’a 17:12

Moise abom kawa. Aron azi ki Hur a hlahinad’a, a tinimzi ad’umu, mi kak kad’u. Azi vum abom akulo, sa hî abo hî, sa hî abo hî. Abom mi ar sod’a ad’enga ngingring gak afata niga.

Esdras 1:6

Ndrozi sumazina a ndjunuzi kahle suma sunda, lora kahlena teteng, d’uwarâ kahle suma guzuzi ngolina bei ndum he d’a hawa d’a kur min mazid’id’a ba mi.

Daniel 10:18

Ata yi máma hina wat ma mi hle tam d’igi sana na na mi don vunan kua, mi han ad’enga.

Sofoni 3:16

Kur bur máma a mba de mi suma Jerusalem-ma ala: Ar agi lagi mandar ri, a mba de mi suma Siyon-na ala: Ar abogi mi ngrap pi.

1 Samuel 23:17

Mi de mi David ala: Ang le mandar ri, kayam abun Saul mba mi teu atang ngi. Ang mba tamula yam Israel-lâ, an mba ni kak kang á mbàd’a; abun Saul mi we na mi.

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.