Isai 32:18 - Bible azumeina

¹⁸ Sum mana a mba kak ki b’leng nga halasa, a mba kak bei va lazi ba, a mba kak kur yima kak ma tchugotna mi.

Isai 32:18 Referans Kwoze

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Jeremi 33:16

Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.

Hebre-na 4:9

Kayam ndata, bur ma sabat ma tuk tad’a yam suma hAlonina mi nga. Ni d’igi bur ma kid’iziya ma Alona tuk tam kuana na.

1 Jean 4:16

Hina, ei wei od’a hAlona d’a mi lat keid’a. Kayam ndata, ei hei gagazid’a kad’u. Alona tamba ni od’a. Sama nga mi le od’ina, mi nga ni kaka zlapa tu kAlona, Alona mi nga kaka kurum mi.

Zakari 2:8

Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 14:3

Agi Israel-lâ, Ma didina mba mi hagi lovota á kak ki halasa bugol ndak magid’a ki tcha magi d’a tatad’a, bugol sun nda magom mba ad’eng nga a tinigizi kagid’a mi.

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Isai 26:12

Ma didina, ang ngomomi ki halasa, kayam ahle suma ang nga lazi kamina pet, ni ang ba, ndagazi vunaziya.

Isai 28:12

Mi dazi ala: Gol yima tuk tad’a ba wana: Agi aragi sama mi seîna mi tuk tamu. Gol yima halasâ ba wana: Wani azi min humum mbi.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 65:9

An mba ni buzugï kandjafâ aduk suma hi Jakob-ma, an mba ni buzugï kandjafâ aduk suma hi Juda-na á tahuniyô mana djona. Suma an manazina a mba tambasa djona, azungeî mana a mba kak kat mi.

Isai 65:21

Azi mba min azina, a mba kak kuru; a mba pagu ma vuta, a mba tum vud’um mi.

Zakari 3:10

Kur bur máma agi nge nge pî mba mi yi ndrama ad’u guguzlu mamba d’oze ad’u tulum mama á kak ki halasa.

Buzuk ka Abud’a 9:26

Ni yam ambas sa Gosen nda Israel-lâ a nga kaka kuad’a go ba, mogoina mi se nga kat ti.

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Zla d’a d’ogolâ 24:15

Ar ang bur kä gumun á b’lak azina hi sama d’ingêrîna d’oze á b’lagam yam ma burâ woi d’igi sama asa’atna na d’i.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Ezekiyel 34:28

Azi mba mbut ni vama hurumba aduk andjaf suma d’uo d’a, amburei suma abageina a mba mud’uzi d’uo mi. A mba kak ki halasa, sama mba mi b’lagazi djib’er mazid’ina mi nga d’uo mi.