Isai 32:17 - Bible azumeina

¹⁷ D’ingêra mba d’i mba ki halasa, ti mba d’i mba ki tchugota ki tuk tad’a gak didin mi.

Isai 32:17 Referans Kwoze

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Sawal la giled’a 119:165

Suma huruzi ve gat mangina a mba kak ki halasa ngola; vama dabazi asezi nga d’uo mi.

Sawal la giled’a 85:8

Ma didina, ang tagami o mang nga didinda, ang sud’umiya.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

1 Jean 4:17

O d’a ndak memet kurid’a ba wana: Kayam ei mba tcholei avorom bei mandarâ ba kur bur ma ka sariyad’a. Kayam kak meid’a kur duniyad’a ka hid’a ni d’igi kaka hi Jesus Christ-sa na.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

Isai 48:18

Ladjï agi gagi yagi kä ad’u vun man ma hed’a ni, b’leng nga halas magid’a mba d’i mbut ni d’igi aluma na! D’ingêr magid’a mba d’i mbut ni d’igi abil ma kur alum ma ngolîna na mi.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Isai 66:12

Ma didina mi dala: Gola! An mba ni djang b’leng nga halasa kur Jerusalem d’igi aluma na, an mba ni hat subura handjaf sumid’a d’igi alum ma mi kus seina na. Agi mba tchagi ambir mata, ti mba d’i hlagi akulo ahlabad’u, ti mba d’i sad’agi tagi sasat mi.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 11:13

Andjafâ hi Efraim-ma mba mi le yungôrâ yam andjafâ hi Juda-na d’uo d’a, andjafâ hi Juda-na mba mi kak djangûna kandjafâ hi Efraim-ma d’uo mi.

Zla d’a d’ogolâ 14:26

Sama mi le mandara Ma didinina nga mi kak ki halasa, groma a nga fe yima ngeid’a gevem mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Hebre-na 12:11

Ata yima a nga gad’eina, ei golei ni d’igi a lei ni tchod’a na, wani bugola, gat ndata nga d’i mba ki b’leng nga halasa ki tit ta d’ingêra yam suma a ve tazi kurutna.

Sawal la giled’a 85:10

Gagazi, sut mamba ti nga go ki suma a nga lum mandarama tala subur mamba mba d’i kak yam ambas meid’a d’a.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 28:12

Mi dazi ala: Gol yima tuk tad’a ba wana: Agi aragi sama mi seîna mi tuk tamu. Gol yima halasâ ba wana: Wani azi min humum mbi.

Ester 9:30

A sun mbaktum ndata mi Juif-fâ pet suma a nga kaka kur ambas sa kis kam dok mbà yam kid’iziya d’a amulâ Asuwerus nga mi te kata, a b’ir kurut ala a kak ki halasa bei vunadik ka tumba.

Zla d’a d’ogolâ 1:33

Wani sama nga mi humuna mba mi kak ki halasa avo hatamu, mba mi kak tchugot bei mi le mandara va ba mi.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.