Isai 31:5 - Bible azumeina

⁵ D’igi aluweina a nga dal akulo yam grozina na, Ma didin ma ad’engêm kal petna mba mi ngom Jerusalem, mba mi prud’ut tei mi ngomot mi sud’ut tei mi.

Isai 31:5 Referans Kwoze

Sawal la giled’a 91:4

Alona mi mining nga yima kaka ad’u gigingâmu; ang mba ngei tang kua. Gagazi mamba ni mbareid’a, ni kongrongâ mi.

Gat ta a hat á mbàd’id’a 32:11

Mi le ki sed’ezi ni d’igi agigilauna nga mi gas groma kur aziyam na, nga mi dal akulo kaziya, nga mi tin gigingâm kä ad’uziya, nga mi yozi mi i ki sed’ezi akulo.

Isai 38:6

An mba ni sud’ung ngei ki suma kur azì ma ngol ma Jerusalem-ma abo amul ma Asiri-na, an mba ni ngom azì ma ngol máma mi.

Isai 37:35

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

Sawal la giled’a 37:40

Ma didina nga mi ndjunuziya, nga mi prud’uzi woi mi, nga mi prud’uzi woi abo suma asa’atna, mi sud’uzi kayam azi ngei tazi natamu.

Isai 10:14

An yo ndjondjoîd’a hi sumid’a d’igi sana mi yo asena kur azì aleina na, an yo andagad’a pet bei sa mi yo djedjerem akulo atan ba, bei sa mi ngo vunam á dan zla ba, d’igi sana mi yo ase alei ma a aram mbeina na mi.

Sawal la giled’a 46:5

Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Buzuk ka Abud’a 19:4

Ma didina mi dala: Agi tagi wagi vama an lum ki Ezipte-na, an yogï geven d’igi agigilauna mi yo groma gigingâm na.

Buzuk ka Abud’a 12:27

agi hulong dazi ala: Ni vun til ma Pak ma a ngat buzuna á he ngola mi Ma didin ma kal yam azina hi Israel-lâ avo Ezipte-na. Ata yi máma mi tchi Ezipte-na, mi ngomomi amiya. Ata yi máma Israel-lâ a grif kä andaga a kud’or Ma didina.

Ad’u Tinda 1:2

Andagad’a yat ti ni hawa kikid’ik, nduvunda duk yam mbiyo alum ma ngolâ, Muzu’â hAlonina nga mi ngui yam mbiyo máma mi.

2 Amuleina 19:34

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

2 Sunda Hamuleinid’a 32:22

Ni hina ba, Ma didina mi sut Ezekiyas ki suma a nga kaka Jerusalem-ma woi abo Sanakerip amul ma Asiri-na, abo mazi suma djangû suma dingâ pet mi. Mi hazi halasa aduk tazi ki suma a nguyuzina.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 27:3

Ni an Ma didina ba, ni ngomod’u, an nga ni vot mbina ad’ut burâ ki burâ, an nga ni ngomot andjege ki falei kayambala va mi lat tuo d’a.

Zakari 9:14

Ma didina mba mi ndeï akulo woi yam sum mama, yeû mamba mba d’i djang d’igi wiled’a halonid’a na, Salad’a Ma didina mba mi bu adifa, mba mi mbeï aduk babar ma ngolâ abo ma sutna.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Zakari 9:8

An mba ni kak ndjola huyok azì mana á d’el azigar suma a mba á durîna ki suma a kal kurâ mi. Sama djop vun suma mba mi kal adigazi d’uo d’a, kayam ki tchetchemba, iran nga tinda kaziya.