Isai 31:2 - Bible azumeina

² Wani Ma didina ni ma ned’a, mi ndak á mba ki ndaka, nga mi djok vunam yam zla d’a mam data d’i, nga mi tchol akulo á kak djangûna ki suma a nga tit bugol suma asa’atnina, nga mi kak djangûna ki suma a nga ndjun suma a le sun nda ata yat tuo d’ina mi.

Isai 31:2 Referans Kwoze

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

Romê-na 16:27

Ar ei suburi Alo ma tu ma ned’ina yam Jesus Christ gak didin! Amin!

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Sofoni 3:8

Ni kayam ndata ba, an Ma didina ni dagiya: Agi djubundi gak bur ma an tchol akulo á vagi ki zlad’ina, kayam an ni nga hurun á tok andjaf suma, á tok leud’a tu, á mba kayî man ma bibiliuna kaziya, kayam an mba ni ngal ambasa woi pet kayî man ma aku ma bibiliuna.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Jeremi 10:12

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ni ki wäd’u mamba mi.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Ezekiyel 29:6

Ezipte-na pet a mba wala an ni Ma didina. Israel-lâ a deng tazi ni kangû, wani angî d’igi tchereu ma amangeîna na.

Jeremi 36:32

Jeremi mi hle mbaktum mba d’ut ta dinga, mi hat mi Baruk ma b’ir mbaktumba Neriya goroma. Baruk mi b’ir zla d’a Jeremi mi dumzi ki yam mbà mi b’irit kä kur mbaktum mba Jojakim amul ma Juda-na mi ngalat teid’a, mi b’ir zla d’a ding nga hle tat d’igi ndat hina d’a kam kua mi.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 30:3

Ngei d’a agi ngeyegi tagi ata Faron-nda mba d’i mbut ni vama zulona kagiya. Kak ka agi kagagi ad’u anguzu Ezipte-d’a, agi mba mangâgi woyo.

Isai 28:21

Kayam Ma didina mba mi tchol akulo d’igi mi tchol yam ahina d’a Perasim-mba na, mba mi tchol ki hur ma zala d’igi mi tchol ki hur ma zala kur hor ra Gabawon-nda na á le sun mam mba atchapa, á ndak vun sun mam mba yoyouna mi.

Isai 22:14

Ma didin ma ad’engêm kal petna mi tagan zla ndata woyo. Mi dala mam mba mi vat hurum mbei yam tcho magi ndata d’i gak mat magina! Salad’a Ma didin ma ad’engêm kal petna mi de na.

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

Josue 23:15

D’igi Ma didina Alo magina mi ndak vun ahle suma djivi suma mam hle vunam kazina pet na, hina mi, mam mba mi ngobogi gagak, mba mi dabagi woi yam andaga d’a djivi d’a mam hagizid’a na mi.

Ndumba 10:35

Ata yima zandu’â mi tchol á id’ina, Moise mi dala: Ma didina, ang tchol akulo! Ar mang suma djangûna a ndjoî woyo, ar suma a noyôngâ a ring ngei avorong mi!

Wana ni mbaktumba hi Job-pa 5:13

Nga mi vik suma ned’a kur lem mazid’a, nga mi b’lak d’alâ hi suma wed’a heîna woi mi.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Isai 14:20

A tozong nga kur zul manga d’igi amulei suma dingâ na d’i, kayam ang b’lak ambas manga woyo, ang tchi sum mangâ woi mi. Andjaf suma asa’atna, a mba yazi simiyêzi avogovok ki.

Isai 28:29

Zla ndata ti tcholï nata Ma didin ma ad’engêm kal petna; d’al mama ni vama atchapma, we mamba ti kal ngola mi.

Wana ni mbaktumba hi Job-pa 12:13

Ned’a ki sib’ika a fazi nata Alona, d’ala ki wad’ud’a a fazi natam mam mi.

Wana ni mbaktumba hi Job-pa 12:16

Ad’enga ki wed’a ni mamba, sama vit tam mbeina d’oze ma vit suma dingâ woina a ni mama.

Isai 21:17

Suma gangrang suma yet yeûd’a hi suma Kedar-râ a mba arî akid’eid’a. Kayam an Ma didina Alona hi Israel-lîna ni de da’!

Isai 30:7

mi Ezipte suma ndjun mazid’a ni d’igi simetna d’oze vama hawa ya’â na na. Ni kayam ndata ba, an yazi ala Rahap, nala, suma abozi nga mi hle á le va d’uo na.