Isai 3:9 - Bible azumeina

⁹ Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Isai 3:9 Referans Kwoze

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Ezekiyel 23:16

Kid’a ti wazi avok kikidjid’a, e’eû mata ti zud’ut ataziya, ti sun suma kazi avo Babilon.

Hor ma tchina 5:16

Avaval la kamid’a ti tchuk kä woi da’. Ni zla d’a hohoud’a kamiya, kayam ami lami tchod’a.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Isai 3:16

Ma didina mi dala: Arop suma Siyon-na yazi ad’enga, a nga hle irazi akulo ki tita herengêleng, a nga lop suma ki irazi d’a gola, kayam azi nga tit tit ta kidjik tad’a, a nga tchi b’alang ma asezina tchutchuî.

Zla d’a d’ogolâ 30:13

Suma dingâ a nga, ni suma yam mba ad’enga, a nga gol suma ki irazi sod’a woi ngrazang.

Zla d’a d’ogolâ 8:36

Wani sama mi lan tchod’ina, mi le ni tam tchod’a; suma pet suma a noyôna, a min ni matna.

Sawal la giled’a 10:4

Wana ni djib’era hi sama asa’atnid’a ki yam mba ad’eng mamba nga mi dala: Alona mba mi van ki zlad’a d’i! Kur djib’er mamba pet mi dala: Alona mi nga d’i!

2 Amuleina 9:30

Jezabel ti hum ahle suma a lena pet. Ata yi máma ti le mbul ma djivina irad’u, ti min tat djifa. Kid’a Jehu mi mba avo Jisreyel-la, ndat nga d’i hiled’emî ir fenetred’a.

1 Samuel 15:32

Bugola, Samuel mi dazi ala: Agi mbanï Agak amul ma Amale’â. Agak mi mba gevem ki furîd’a, nga mi djib’er ala: Gagazi, aglara hi matnid’a kal lei da’!

Wana ni mbaktumba hi Oze-d’a 13:9

Agi Israel-lâ, agi b’lagagi woi ni kayamba agi kagagi djangûna ki an ma ni ndjunuginid’a.

Daniel 7:20

An hal wad’ud’a yam aduvei suma dogo suma a nga kama, yam adif ma gor ma deî adigazi ma mi tchuk suma hindina kä woi avorom ma nga ki ira ma zla d’a de d’a subur tad’a ndavunam ma mi kal ndrom suma dingâ petna mi.

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.

Ad’u Tinda 4:5

wani hurum ve nga Kain ki he d’a hawa mamba d’i. Ata yi máma Kain hurum zal ngola, nga mi d’us iram dudurup.

Zla d’a d’ogolâ 15:32

Sama mi noî hatina mi golî tam is, wani sama mi min ngopina mba mi mbut sama wad’ud’a.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 57:20

Wani suma asa’atna a ni d’igi alum ma ngol ma mi tcha tata ma mbiyo mama nga mi tchol b’et tuo ma nga mi labilâ mi tchuk sä zozot ta lara ge woi petna na.

Isai 59:12

Kayam tchila mamid’a ti zul avorongû, tcho mamid’a nga d’i le glangâsâ kamiya, tcho mamid’a ti nga b’ala kamiya, ami wami tchila mamid’a.

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Ezekiyel 16:30

Salad’a Ma didina mi de kua ala: Ndak namangeyâ me na ba, ndak lahle ndazina hina pet, ndak mbut tak gaulang ma kalâ na ge?

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ad’u Tinda 19:34

Wani tcha ndjivinda, d’a ngola ti de d’a gora ala: Ndak gola! An bur kama andjege ki Iba; ei hum süm ma ayîna ini andjege kua, ndak i bur ki sed’em mi, kayam ei djogom andjavamu.

Wana ni mbaktumba hi Oze-d’a 5:5

Yam mba ad’enga hi Israel-lîd’a nga d’i le glangâsâ kaziya. Kayam ndata, Israel-lâ ki suma Efraim-ma a mba puk kä yam tcho mazid’a zlapa ki suma Juda-na mi.