Isai 29:23 - Bible azumeina

²³ Fata grozina a mba we sun nda an lat kabon adigazid’a, a mba tinin simiyên iram vamu, a mba han an Ma tin tan irat vat yam suma hi Jakob-mina ngola, a mba lan an Alona hi Israel-lîna mandaran mi.

Isai 29:23 Referans Kwoze

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Isai 19:25

Ma didin ma ad’engêm kal petna mba mi b’e vuna kazi ala: An nga ni b’e vuna yam man suma Ezipte-na, yam suma Asiri sumala ni sun nda an lat kabonda d’a, yam Israel sumala ni djo mana na mi.

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Isai 8:13

Ma didin ma ad’engêm kal petna tu ba, agi wagi ala ni Ma bei tchod’a ba na. Ni mam tu ba, agi lum mandaramu, ni mam tu ba, agi zlagagi avorom mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 5:16

Ma didin ma ad’engêm kal petna, a mba suburum yam sariya mam mba ka d’a d’ingêra. Alo ma bei tchod’a ba na mba mi tak tam mbei ala mam mi Ma bei tchod’a ba na yam d’ingêr mamba.

Vama ndum mbeina 19:5

An hum dela ti tcholï ata yima zlam mba amula, ti dala: Agi azungeî mama pet suma lum mandaram suma nglona ki gugureina, agi gilegi Alo meina.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Isai 43:21

Suma an lazina a mba de woi yam subur manda.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Isai 26:12

Ma didina, ang ngomomi ki halasa, kayam ahle suma ang nga lazi kamina pet, ni ang ba, ndagazi vunaziya.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Isai 28:21

Kayam Ma didina mba mi tchol akulo d’igi mi tchol yam ahina d’a Perasim-mba na, mba mi tchol ki hur ma zala d’igi mi tchol ki hur ma zala kur hor ra Gabawon-nda na á le sun mam mba atchapa, á ndak vun sun mam mba yoyouna mi.