Isai 28:9 - Bible azumeina

⁹ A dala: Ni nge ba, mam min had’am wed’a ge? Ni nge ba, mam min had’am wad’ud’a mi ge? Ni mi kem suma a ar ambira bei tched’ina, d’oze suma a d’elezi woi avun apona bei tched’ina zu?

Isai 28:9 Referans Kwoze

Sawal la giled’a 131:2

Wani an nga kaka tchugot halas d’igi gogorâ mi nga ged’a aduk asum na. An nga ni d’igi gogor máma na halas.

Jeremi 6:10

Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

Jean 12:38

Ni kayam zla d’a ma djok vun Alona Isai mi dat ala: Salad’a, ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge d’a ndak memet.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

1 Pierre 2:2

Ar agi had’agi hurugi yam apo ma djivina d’igi gugurei suma vut awilina na, nala, yam zlad’a hAlonid’a, kayam agi wulugi akulo kur sut magid’a.

Jean 3:19

Sariya ndata ba wana: B’od’a ti mba kur duniyad’a, wani suma a min nduvunda kal b’od’a, kayam sun mazi d’a led’a ni tchod’a.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Isai 53:1

Ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge?

Marik 10:15

Gagazi, an nga ni dagiya, sama lara pî, le mi ge yam kä yam leud’a hAlonid’a d’igi gogorâ hina d’uo ni, mba mi kal kurut ti.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Zla d’a d’ogolâ 1:29

Agi noyôgi á wad’ud’a, agi managi nga á le mandara Ma didina d’i,

Isai 48:17

Ma didin ma wurak kagi ma tin tam irat vat kagi Israel-lîna mi dala: An Ma didina Alo magina, an nga ni had’agi yam djivi magid’a, an nga ni tinigi kur lovot ta agi nga tid’igi kuad’a.

Isai 30:20

Salad’a mba mi hagi avungôna ki mbina kur ndak magid’a. Ma had’agina mba mi ngei tam avorogi d’i; iragi mba d’i we ma had’agina mi.

Isai 28:26

Alo mama mi had’am á tit kaziya, mi had’am gat mamba mi.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Jeremi 35:13

An Ma didin ma ad’engên kal petna, Alona hi Israel-lîna, nga ni dangû, ang i de mi suma Juda-na ki suma a nga kaka avo Jerusalem-ma ala: Agi nga vagi hata d’uo, agi nga gagi yagi kä ad’u zla d’a an Ma didina ni data mi d’uo zu?