Isai 28:21 - Bible azumeina

²¹ Kayam Ma didina mba mi tchol akulo d’igi mi tchol yam ahina d’a Perasim-mba na, mba mi tchol ki hur ma zala d’igi mi tchol ki hur ma zala kur hor ra Gabawon-nda na á le sun mam mba atchapa, á ndak vun sun mam mba yoyouna mi.

Isai 28:21 Referans Kwoze

1 Sunda Hamuleinid’a 14:11

David ki sum mama a mba Bäl-Perasim, mi dur suma Filistê-na, mi kus kaziya. Bugola, mi dala: Alona mi mal lovota avoron aduk man suma djangûna d’igi mbina mi hulut damana na. Ni kayam ndata ba, a yi yi máma ala Bäl-Perasim.

2 Samuel 5:20

David mi mba Bäl-Perasim. Ata yi máma mi kus kaziya, mi dala: Ma didina mi mal lovota aduk man suma djangûna d’igi mbiyona mi hulut damana na. Ni kayam ndata ba, a yi yi máma ala Bäl-Perasim.

Josue 10:12

Kur bur máma Ma didina mi he suma Amor-râ abo Israel-lâ. Josue mi tchen Ma didina avok Israel-lâ, mi dala: Ndak afata, ndak tchol akulo yam suma Gabawon-na hina djang! Ang tilâ, ang tchol akulo yam Hor ra Ajalon-nda hina djang mi!

Josue 10:10

Ma didina mi ndjoyôzi woi avok Israel-lâ. A tchazi tchi d’a tchod’a avo Gabawon, a nga digizi kur lovot ta i akulo Bet-Horon-nda, a tchazi gak a mbaza Azeka ki Makeda.

Hor ma tchina 2:15

Suma a nga kalâ pet a nga tchabozi kagu, a nga tchi kukurup, a nga kidjik yazi kak ndak gor weid’a Jerusalem, a nga dala: Wana nazì ma ngol ma a yum ala Ma djif ma kal tegles mala ni Furîd’a hi suma yam andagad’a petna na ko zu?

1 Sunda Hamuleinid’a 14:16

David mi le d’igi Alona mi hum vuna na, mi dur azigarâ hi Filistê-nina, tinï ad’ud’a Gabawon dei gak mba Gezer.

2 Samuel 5:25

David mi le d’igi Ma didina mi hum vuna na, mi dur suma Filistê-na, tinï ad’ud’a Geba dei gak mba Gezer.

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Isai 28:19

Yorogo d’a lara ge andjege ki faleya, ata yima lara ma ti mba d’i kalâ, mba d’i vagiya. Ni siwel mata go ba, mba d’i mbud’ugi mandarâ!

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Ezekiyel 33:21

Kur biza d’a dogo yam mbàd’a bugol la a yomi magombid’a, kur bur ma vahlâ hi til ma dogonina, sama mi sud’ï woi avun ayîna kid’a a hle Jerusalem-mbina mi mba mi dan ala: Azì ma ngolâ a hlum wa!

Hor ma tchina 3:33

Nga ni min mamba ba, mi hulong sana yam kä, mi gat grong suma d’uo mi.

Sawal la giled’a 94:16

Ni nge ba, mba mi tchol avoron á d’el suma asa’at ndazina ge? Ni nge ba, mba mi tchol á ndjunun abo suma bei d’ingêr ndazina ge?

Isai 65:7

An mba ni wuragagi yam tcho magid’a ki d’a habuyogi ngolod’a. Kayam a ngal dubang ma his djivid’ina yam ahuniyôna, a mbud’un zulona yam yima ndingâ mi. An mba ni wuragazi ndak memet yam sun mazi d’a azi lat adjeud’a.

Josue 10:11

Kid’a azi nga ring avok Israel-lâ a sulugot kä Bet-Horon-nda, Ma didina mi sazi mogoi ma nglona kazi ei akulo gak a mba Azeka; a bo ablaud’a. Suma a bo abo mogoinina ablaud’a kal suma Israel-lâ a tchazi ki mbigeu d’a fiyakina.

Isai 29:23

Fata grozina a mba we sun nda an lat kabon adigazid’a, a mba tinin simiyên iram vamu, a mba han an Ma tin tan irat vat yam suma hi Jakob-mina ngola, a mba lan an Alona hi Israel-lîna mandaran mi.

Isai 64:2

Kid’a ang lahle suma mandar suma ami djubuzi nga yami tu d’uo nid’a, ang tchugï aseng kä, ahuniyôna a giget avorongû.

Habakuk 1:5

Ma didina mi de mi sum mama ala: Gologi andjaf suma nguyugina, agi mba lagi atchap kayam an mba ni le sunda kur atchogoi magid’a; le sa mi dagizi zlat pî, agi mba hagi gagazid’a kat ti.