Isai 27:11 - Bible azumeina

¹¹ Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 27:11 Referans Kwoze

Jeremi 8:7

Taglar ma akulona pî, mi we yi mam ma id’a, gugu peled’a, ababeina kalei grifâ a nga ngom yi mazi ma azi nga mba kuana, wani sum mana a we nga gata hi an Ma didinid’a d’i.

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

Romê-na 1:31

Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Matiye 13:19

Ata yima sana mi hum zla d’a yam leud’a hAlonid’a wani mi wat ad’ut tuo na, Ma tchona mi mba, mi hle zla d’a a zarat kurumba woyo. Wana nawu ma nde kur lovotina.

Matiye 13:15

Kayam sum ndazina, huruzi ni b’ala, a tos humazi woi á humba, a duk irazi woyo, kayam a we ki irazi d’i, a hum ki humazi d’uo mi tala a wad’ud’a kuruzi a mbut huruzi mbut ba, an ni sud’uziya d’a.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Ezekiyel 9:10

An mi, an mba ni we sa hohowom mbi, an mba ni djib’er yam sa d’uo mi, wani an mba ni hulongôzi tcho mazid’a kaziya.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Isai 44:2

Ma didin ma mi lagi ma mi minigi kur asuyogi dei ma nga mi ndjunugina, mi dala: Agi suma hazong mana Jakob-ma, agi Israel suma an managina, agi lagi mandar ri.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Sawal la giled’a 106:40

Ma didina hurun zal yam sum mama, mi gol sumala ni djo mama na is.

Gat ta a hat á mbàd’id’a 4:6

Agi ngomoziya, agi tid’igi kazi mi. Hina wani, agi mba mbud’ugi ni suma ned’a ki suma wad’ud’a. Suma ding suma a mba we gat ndata ki vun ma he mama mi na, a mba de kagi ala: Andjaf ma ngol ma wana nandjaf ma ne ma wad’ud’a.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Isai 5:13

Kayam ndata, Ma didina mi dala: Sum mana a mba yozi magomba, kayam azi nga wad’ud’a d’i. Mazi suma nglona a mba bo abo meid’a, ablau mazid’a mba d’i bo abo vun ma sod’a mi.

Isai 18:5

Avok ka bei yima feta ndaka, ata yima b’od’a yak keina, ata yima b’od’a ti tchuk vuta ti nena, a tchau abo guguzlud’a abot ma gurei ma kukulurâ kä woyo, a ka abo guguzlud’a abot ma sed’a, a tchugum kä woi andaga.

Jeremi 11:16

Ma didina mi yagi ala Agu olif ma b’o ma vud’um djif heîna, wani aduk siwel la ngola, mi do akud’a ata humamu, abom mba mi kus seyo.

Jeremi 13:14

An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

Jeremi 16:5

Ma didina mi dan kua ala: Ar ang kal kur azì ma a tchi matna kuana d’i, ar ang i tchi matna d’i, ar ang tchi horâ ki sed’ezi d’uo mi. Kayam an hle wa b’leng man nda halasa woi yam sum ndazina. Djivi manda ki we hohou manda pî, an yozi wa woi kaziya. An Ma didina ni de na.

Jeremi 25:37

Kangâna mi b’leng djed’et abo ayî ma bibiliuna hi Ma didinina.

Ezekiyel 19:12

Wani a pad’at tei ki hur ma zala, a gat kä woi andaga. Simet ma abo ma yorogona mi sot vud’ut teyo, abot ma ad’engâ mi kus mi so woyo, akud’a ti ngalam mbei mi.

Wana ni mbaktumba hi Oze-d’a 4:14

An mba ni mba á ngop grogi suma aropma yam gaulang mazina d’oze grogina amiyôzina yam mizeu mazina d’uo mi. Ni agi ba, an mba ni ngobogiya, kayam agi tagid’a zlabagi karop suma gaulangâ kur gong magi d’a kud’or fileina, agi nga hagi ahle suma ngat buzuna mi fileina ki sed’ezi d’igi suma bei wed’a a nga ring á i kur bad’a na.