Isai 26:7 - Bible azumeina

⁷ Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.

Isai 26:7 Referans Kwoze

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

1 Jean 3:7

Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.

Zla d’a d’ogolâ 20:7

Sama d’ingêr ma nga mi tit kur d’engzeng mambina, grom suma a mba ar blogoma a mba fe djivid’a!

Sawal la giled’a 11:7

Ma didina ni ma d’ingêrâ, mi min ni sun nda d’ingêra mi; suma d’ingêrâ a mba wum iram mi.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Wana ni mbaktumba hi Job-pa 31:6

ar Alona mi ngan ki kilo ma d’ingêrâ, mba mi we gagazi manda.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Sawal la giled’a 11:4

Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

Sawal la giled’a 25:4

Ma didina, ang tagan lovot manga, ang had’an zla manga.

Sawal la giled’a 25:5

Ang tagan gagazi manga, ang had’an mi, kayam angî Alo ma sud’una, angî ma an tin hurun kang teteuna.

Sawal la giled’a 27:11

Ma didina, ang had’an á tit kur lovot manga, ang tinin kur lovot ta d’ingêra abo man suma djangûna.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Isai 52:12

Agi b’ad’agi tagi á buzuka d’i, agi buzugugi woi ki ringâ d’uo mi, kayam Ma didina mi nga avorogiya, Alona hi Israel-lîna mba mi kak ndjola blogogi mi.

Isai 57:2

Sama nga mi tit kur lovot ta d’ingêrina mba mi kal kur halasa, mba mi tuk tam yam azang mama mi.

Jeremi 10:23

Jeremi mi dala: Ma didina, an we sana mi ndak á tit memet ti, mi nga kad’enga á tak tam á tit kur lovot ta djivid’a d’uo mi.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Sawal la giled’a 5:9

Ma didina, yam d’ingêr manga ang tinin kur lovota abo man suma djangûna, ang blas lovot manga kä woi avoronu.

Zla d’a d’ogolâ 3:6

Ang wum mbei tetet kur sun mang nga led’a pet, ni mam ba, mba mi blazang lovot manga kä mi.

Zla d’a d’ogolâ 11:5

D’ingêra hi sama iratnid’a nga d’i mbud’um lovot mamba d’ingêr, wani sama asa’atna nga mi puk kä yam asa’at mamba.

Zla d’a d’ogolâ 21:8

Sama zlad’a kama mi tit ni kur lovot ta gunda, wani sunda hi sama bei zlad’a kama ti ni d’ingêr.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!