Isai 26:18 - Bible azumeina

¹⁸ Ami vami wirâ, ami fami ndaka, wani ata yima ami vud’umina, ami vud’umi ni simetna, ami wami nga lovot ta a mbami ki suta yam andaga d’a ka hid’a d’i, d’oze a mbami ki suma ding suma kak yam andagad’a ka hina d’uo mi.

Isai 26:18 Referans Kwoze

Wana ni mbaktumba hi Oze-d’a 13:13

Ndaka mba d’i nde kazi ni d’igi vuta ti nde yam atchad’a na. Azi ni d’igi gor ma yam nga d’uo na na. Ata yima yam ma vuta nda’â, nga mi ndeï woi kur asum mbi.

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Isai 37:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ad’engêt nga á vut gorotna woi d’uo d’a na.

2 Amuleina 19:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ti ndak nga á vut gorotna woi d’uo d’a na.

Isai 33:11

Nga hur magina ni d’igi kuzad’a hawa na, dabi mamba ni d’igi asuna na mi. Muzuk man na d’igi akud’a na mba mi ngalazi woyo.

1 Samuel 14:45

Wani azigarâ a de mi Saul ala: Jonatan ma kus ayî ma ngolâ á sut Israel-lâ wa na, mi ndak á tchid’a zu? Nga na d’i! Ki simiyê Ma didin ma bei matna, ami min tumus sa kamba tu pî ti nde kä d’i, kayam mam dur ayîna kur bur máma ni kad’enga hAlonid’a. Ni hina ba, azigarâ a prut Jonatan ndei avun matna.

1 Samuel 11:13

Wani Saul mi dazi ala: Ar sa mi tchi sa kur bur ma inina d’i, kayam bur ma inina ni bur ma Ma didina mi sut Israel-lâ kurâ.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.