Isai 26:16 - Bible azumeina

¹⁶ Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Isai 26:16 Referans Kwoze

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

Wana ni mbaktumba hi Oze-d’a 7:14

Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Hor ma tchina 2:19

Ndak tchol akulo, ndak tchi wulula kad’u tinda hi ma ndjol ma avok kikidji ma andjegena, ndak de zla d’a kuruka woi avok Salad’a, ndak yo abok akulo avorom ki tchen nda labiyad’a yam grok suma a nga seî kä ir palumba abo meid’a tetengâ.

Jeremi 22:23

Ndak ka nga kaka akulo yam Liban-nda, ndak ka min aziyak aduk agu sedrena d’igi aleina na d’a, fata ndaka mba d’i mba kaka, mba d’i tak d’igi vuta ti tatcha d’a ti nde vutid’a na, ndak mba zam tak ngola.

Isai 37:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ad’engêt nga á vut gorotna woi d’uo d’a na.

Sawal la giled’a 142:2

Ma didina, an nga ni yang ki delen akulo; Ma didina, an nga ni tchenengû.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

1 Samuel 1:15

Anne ti hulong dum ala: An gurut nga ni gurud’a d’i, an tche nga süm mbuo mi, an natcha d’a hohoud’a, an mba ni ki djib’er manda avok Ma didina.

Ndumba 21:7

Suma a arâ a i gen Moise, a dum ala: Ami lami tchod’a, kayam ami guruyômi yam Ma didina, kang ang mi. Ang tchen Ma didina, mi yo guguyo ndazina woi atamiya. Moise mi tchen Ma didina yam suma.

Jeremi 2:27

Agi nga dagi maguna ala: Angî abumiya, agi nga dagi mahinad’a ala: Nda’î d’a vud’umid’a! Agi aragi zla d’a mbud’ugi iragi iranda ta, agi handi nazigagiya. Wani fata ndaka mba wa kagiya wani, agi nde yandi ala: Ang mbeï sud’umiya!

Suma ka sariyad’a 10:15

Israel-lâ a de mi Ma didina ala: Ami lami tchod’a avorongû. Ang le vama hurung minima ki sed’emiya, wani ang sud’umi ini woi sut wü d’a.

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 77:3

Ata yima an nga kur ndakina, an nga ni hal Salad’a, kur andjeged’a an nga ni tchenem bei kaud’a ba, an noî b’leng hurâ woi mi.

Sawal la giled’a 78:34

Ata yima Alona mi tchi suma dingâ adigazi woina, suma a arâ a hulongî gevemu, a hulong a mba gevem á halam ki hur ma tuna.

Jeremi 29:12

Ata yi máma, le agi yanu, le agi tchenenu ni, an mba ni humugiya.