Isai 26:12 - Bible azumeina

¹² Ma didina, ang ngomomi ki halasa, kayam ahle suma ang nga lazi kamina pet, ni ang ba, ndagazi vunaziya.

Isai 26:12 Referans Kwoze

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Sawal la giled’a 57:2

Ang wan hohowonu, Alo mana, ang wan hohowonu, kayam an hal yima ngeid’a natang d’igi ahleka grotna a ngei tazi ad’u giging asuzi na, gak djop vuna mi kal leyo.

Sawal la giled’a 29:11

Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Ezekiyel 20:14

Wani an le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Jeremi 33:6

Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Ezekiyel 20:22

Wani an hulong ni gabon kä, ni le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:9

Wani an le nga hina d’i, kayambala ar azi mbud’un simiyên vama ndjendjed’a ir andjaf suma azi nga kaka adigazina d’uo d’a, azi sumala ni glangâsâ yam vun ma hle ma an hlum ala an mba ni buzuguzï woi kur ambas sa Ezipte-d’a na.

Isai 57:10

Kur tit magi d’a kad’engid’a agi kawagiya, wani agi nga dagi ala: Ei areya d’i, agi fagi ad’eng nga dinga kua, agi nga seyêgi d’uo mi.

Sawal la giled’a 68:28

Gola! Andjafâ hi Benjamin ma gorâ ni ma nga avorozina, suma avok suma hi Juda-na kades mazina sä kamu, suma avok suma hi Zabulon-na ki suma hi Neftali-na sä blogozi mi.

Sawal la giled’a 90:17

Salad’a Alo mamina, ar ang vami sumad’a! Ang ar sirami sun mami d’a abomid’a. Gagazi, ang sira sun ndata abomiya!

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Isai 27:5

Djivid’a azi hal yima ngeid’a natanu, ar a kak ki sed’en ki halasa, ar a kak ki sed’en ki halasa.

Isai 29:23

Fata grozina a mba we sun nda an lat kabon adigazid’a, a mba tinin simiyên iram vamu, a mba han an Ma tin tan irat vat yam suma hi Jakob-mina ngola, a mba lan an Alona hi Israel-lîna mandaran mi.

Isai 32:18

Sum mana a mba kak ki b’leng nga halasa, a mba kak bei va lazi ba, a mba kak kur yima kak ma tchugotna mi.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Ndumba 6:26

Ar Ma didina mi tagagi djivi mamba, ar mi hagi b’leng nga halasa mi!

Sawal la giled’a 57:3

An nga ni yang ang Alo ma sä akulo ma kal teglesâ, ang Alo ma nga lahlena pet kana.